چھیڑ چھاڑ سے روکنے پر اوباش نوجوانوں کا طالبات کی وین پر حملہ

ویب ڈیسک  ہفتہ 26 نومبر 2022
فوٹو اسکرین گریپ

فوٹو اسکرین گریپ

پنجاب کے علاقے گوجرانوالا میں اوباش نوجوانوں نے چھیڑ چھاڑ سے روکنے پر اسکول طالبات کی وین پر حملہ کردیا۔

ایکسپریس نیوز کے مطابق گوجرانوالا کے تھانہ سیٹلائٹ ٹاؤن کی حدود میں طالبات کو چھیڑ چھاڑ سے روکنے پر بس پر غنڈوں نے حملہ کیا اور ڈرائیور کو تشدد کا نشانہ بنایا۔

اوباش نوجوانوں نے بس میں داخل ہونے کے بعد پہلے ڈرائیور اور پھر طالبات کو تشدد کا نشانہ بنایا اور وہاں سے فرار ہوگئے۔ ذرائع کے مطابق طالبات کو پہلے بھی تنگ کیا جاچکا ہے لیکن شکایت درج نہیں کرائی گئی۔

پولیس نے واقعے کا مقدمہ درج کر کے ملزمان کی تلاش شروع کردی ہے جبکہ موبائل سے بننے والی فوٹیج کی مدد سے ملزمان کی شناخت کا عمل بھی جاری ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔