فیفا ورلڈکپ؛ برازیل نے اگلے مرحلے میں رسائی کا پروانہ حاصل کرلیا

دوحہ: فیفا ورلڈکپ میں برازیل نے سوئٹزرلینڈ کو 0-1 سے شکست دیکر راؤنڈ آف 16 مرحلے کیلئے کوالیفائی کرلیا ہے۔

راس ابو عبود اسٹیڈیم میں کھیلے گئے میگا ایونٹ کے 31 ویں میچ میں برازیل نے سوئٹزرلینڈ کو دلچسپ مقابلے کے بعد صفر کے مقابلے ایک گول سے شکست دی، پہلے ہاف تک دونوں ٹیمیں کوئی گول اسکور کرنے میں ناکام رہیں تھیں۔

دوسرے ہاف میں برازیل کی جانب سے جارحانہ کھیل پیش کیا گیا میچ کے 83 ویں منٹ میں کیسیمیرو نے میچ کا واحد گول داغ کر ٹیم کی جیت میں اہم کردار ادا کیا۔

#FIFAWorldCup | #Qatar2022 pic.twitter.com/Q5wQsatvgR

— FIFA World Cup (@FIFAWorldCup) November 28, 2022

واضح رہے کہ سوئٹزرلینڈ کے خلاف جیت کے ساتھ ہی گروپ جی کے پوائنٹس ٹیبل پر برازیل کی ٹیم 6 پوائنٹس کے ساتھ سرِ فہرست ہے۔