فٹبال ورلڈ کپ میں ایران کی فتح پر 700 سے زائد قیدی رہا

ویب ڈیسک  منگل 29 نومبر 2022
ایران نے ویلز کو صفر کے مقابلے میں دو گول سے شکست دی تھی:فوٹو:فائل

ایران نے ویلز کو صفر کے مقابلے میں دو گول سے شکست دی تھی:فوٹو:فائل

تہران: قطر میں جاری فٹبال ورلڈ کپ میں ایران کی ویلز کیخلاف کامیابی کے بعد 709 قیدیوں کو رہا کردیا گیا۔

غیرملکی میڈیا کے مطابق ایران کی عدلیہ کے آن لائن پورٹل ’ میزان ‘ پر جاری بیان میں کہا گیا کہ فٹ بال ورلڈ کپ میں ایران کی ویلز کے خلاف دو صفر سے فتح کے بعد ملک کی مختلف جیلوں میں قید 709 قیدیوں کو رہا کردیا گیا۔

رہائی پانے والوں میں ایران میں جاری حکومت مخالف مظاہروں میں گرفتار کیے گئے افراد بھی شامل ہیں۔ ورلڈ کپ میں ایران کا پہلا میچ انگلینڈ سے ہوا تھا جس میں انگلینڈ نے ایران کو دو کے مقابلے میں چھ گول سے شکست دی تھی۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔