توشہ خانہ الزامات؛ فرح خان کا عمر فاروق، نجی ٹی وی اور اینکر کو لیگل نوٹس

 لاہور: فرح خان نے توشہ خانہ سے متعلق الزامات پر عمر فاروق ظہور، نجی ٹی وی اور اس کے اینکر کو لیگل نوٹس بھیج دیا۔

مزید پڑھیں: توشہ خانہ کیس؛ فرح گوگی کے تمام سہولت کاروں کیخلاف کارروائی کا فیصلہ 

عمران خان کی اہلیہ بشریٰ بی بی کی قریبی ساتھی فرح خان نے توشہ خانہ کے تحائف فروخت کرنے کے الزامات پر عمر فاروق ظہور ، نجی ٹی وی اور اس کے اینکر کو لیگل نوٹس بھیج دیا۔

بشری بی بی کی قریبی ساتھی فرح خان نے توشہ خانہ کے تحائف بیچنے کے الزامات پر عمر فاروق ظہور ، شاہزیب خانزادہ اور جیو ٹی وی کو لیگل نوٹس بھیج دیا#toshakhana #BreakingNews pic.twitter.com/QRb02UakkL

— Rana Bilal (@ranabilal666) November 29, 2022

ہتک عزت کا نوٹس عمران خان اور فرحت شہزادی سے متعلق غلط اور من گھڑت خبر نشر کرنے پر بھیجا گیا ہے ، جس میں کہا گیا ہے کہ  عمر فاروق سے کبھی ملاقات ہوئی نہ گھڑی بیچنے میں فرح خان (فرحت شہزادی) کا کوئی کردار ہے۔سوچی سمجھی سازش کے تحت  من گھڑت اور بے بنیاد الزامات لگائے گئے۔احمد نورانی نے بھی اپنی اسٹوری میں خود وضاحت کی ہے کہ ہے کہ 2019ء میں فرحت شہزادی نے دبئی کا سفر نہیں کیا۔

یہ بھی پڑھیں: فرح گوگی کا وزیرداخلہ کو پانچ ارب روپے ہرجانے کا نوٹس

نوٹس کے متن میں لکھا گیا ہے کہ الزامات کا مقصد ساکھ کو نقصان پہنچانا ہے۔ 7 روز میں معافی مانگیں یا وضاحت دیں۔معافی نہ مانگنے پر 7 ارب روپے کا ہتک عزت کا دعویٰ دائر کیا جائے گا۔