کامن ویلتھ پاور لفٹنگ، پاکستان نے 4 سلور میڈل جیت لیے

آکلینڈ: کامن ویلتھ پاور لفٹنگ چیمپئن شپ میں پاکستان نے 4 سلور میڈل جیت لیے۔

نیوزی لینڈ کے شہر آکلینڈ میں جاری کامن ویلتھ پاورلفٹنگ چیمپئن شپ میں پاکستان کی نمائندگی کرنے والے مصطفٰی فاران بیگ واحد پاور لفٹر ہیں، جو 110 کلو گرام جونیئر کلاس میں 640 کلو وزن اٹھانے میں کامیاب رہے۔

مصطفٰی فاران بیگ نے اسکاٹ، بنچ پریس اور ڈیڈ لفٹ میں بھی سلور میڈل اپنے نام کرکے ملکی پرچم سر بلند کیا۔

اس سے قبل سال2019 میں مصظفٰی نے اس چیمپئن شپ میں دو گولڈ میڈل، ایک سلور ارو ایک برانز میڈلز جیتے تھے۔