فلم ’’دی لیجنڈ آف مولا جٹ‘‘ کی کامیابی کا سہرا کس کے سر جاتاہے؟ شان نے بتادیا

 کراچی: پاکستانی لیجنڈ ادا کار شان شاہد نے کہا ہے کہ دی لیجنڈ آف مولاجٹ نہیں اصل میں پرانی مولاجٹ ہٹ ہوئی ہے۔

نجی ٹی وی شو میں گفتگو کرتے ہوئے ان کا کہنا تھا کہ جب وہ گنڈاسا فلمیں کرتے تو انہیں کافی تنقید کا سامنا کرنا پڑتا۔

ان کا کہنا تھا کہ آج اس بات کی خوشی ہے کےاسی طرز کی فلم نے نہ صرف اپنی ایک پہچان بنائی بلکہ ریکارڈ بزنس  بھی کیا،فلم انڈسٹری کو اپنی بقا کیلئے گنڈا سے کی ضرورت پڑی۔

شان شاہد نے خواہش ظاہر کی کہ دی لیجنڈ آف مولاجٹ کی طرح ضرار کو بھی ڈھیروں کامیابیاں ملیں، ماضی کے کرداروں کو اجاگر کرکے ہی ہم اپنے سینما کو پھر سے بحال کرسکتے ہیں جو بہت ضروری ہے۔

حال ہی میں ریلیز ہونے والی اپنی فلم “ضرار” سے   متعلق گفتگو کرتے ہوئے شان شاہد کا کہنا تھا کہ مولاجٹ اور ان کی فلم کا کوئی مقابلہ نہیں، ان کی فلم کا موضوع مختلف ہے۔