- وہاڑی، چلتی بس میں بس ہوسٹس کے ساتھ زیادتی
- پاکستان مقبوضہ کشمیرمیں بھارتی مظالم پرخاموش تماشائی نہیں بنے گا، بلاول بھٹو
- لاہور کے 84 تھانوں کے ایس ایچ اوز تبدیل
- نئی دہلی میں سجائے گئے سالانہ چیئرٹی بازار میں پاکستانی کھانوں کی دھوم
- 27 سال بعد کوئٹہ میں کر کٹ کی واپسی ہو رہی ہے، وزیراعلیٰ بلوچستان
- اے سی سی اجلاس، پاکستان میں ایشیا کپ کے انعقاد کا فیصلہ نہ ہوسکا
- کراچی: جیولری شاپ سے ڈاکو 50 لاکھ نقدی اور زیورات لوٹ کر فرار
- پشاور پولیس لائنز دھماکا؛ شہدا کی تعداد 84 نکلی حتمی فہرست جاری
- ویمنز ٹی ٹوئنٹی ورلڈ کپ؛ ٹرافی کی تقریبِ رونمائی کا انعقاد
- کراچی میں مشتعل شہریوں نے دو ڈاکوؤں کو زندہ جلادیا
- شاہین آفریدی نکاح کی تصاویر وائرل ہونے پر خفا
- پشاور پولیس لائنز دھماکا کیس کی تحقیقات میں بڑی پیشرفت
- اسلام آباد کے ایف نائن پارک میں مسلح افراد کی لڑکی کے ساتھ اجتماعی زیادتی
- شیخ رشید کی حوالگی کیلیے کراچی کا ایس ایچ او صحافی بن کر اسلام آباد کی عدالت پہنچ گیا
- بھارت کا روسی پیٹرول کی ادائیگیاں ڈالر کے بجائے درہم میں کرنے کا فیصلہ
- کراچی کے طلبہ نے اسٹریٹ کرائمز کا حل پیش کردیا
- شیخ رشید کو سندھ منتقل کرنے کی درخواست مسترد
- آواز دہرے طریقے سے سرطان کا علاج کرسکتی ہے
- 500 لڑکیوں کے درمیان امتحان دینے والا واحد لڑکا پرچہ دیتے ہوئے بے ہوش!
- 133 نوری سال دور ستارے کے گرد رقص کرتے سیاروں کی ویڈیو جاری
کیا قائداعظم کا یہ فرمان تھا کہ توشہ خانہ میں ڈاکے ڈالیں؟ مریم اورنگزیب

فوٹو:فائل
اسلام آباد: وزیراطلاعات و نشریات مریم اورنگزیب نے قائد اعظم کا فرمان استعمال کرنے پر پر عمران خان کو سخت تنقید کا نشانہ بناتے ہوئے کہا ہے کہ کیا قائد اعظم نے ریاستی اداروں کو آئینی شکنی پر مجبور کرنے کا فرمان بھی دیا تھا۔
مریم اورنگزیب نے کہا کہ عمران خان سیاست بچانے کے لئے قائداعظم کے فرمان کا استعمال نہ کریں، اعتماد کے فقدان کا مطلب کمرے میں آرمی چیف کو بٹھا کر تاحیات توسیع دینا ہے؟ ’مس ٹرسٹ‘عمران خان کے دماغ میں ہے، وہ اقتدار کی کرسی سے چمٹے رہنا چاہتے ہیں۔
انہوں نے سوال کیا کہ ’کیا قائداعظم کا یہ فرمان تھا کہ آرمی چیف کو کمرے میں بٹھا کر تاحیات توسیع کی پیشکش کرو؟ کیا قائد اعظم کا یہ فرمان تھا کہ آئینی اداروں کو آئین شکنی پر مجبور کرو؟ کیا قائداعظم کا یہ فرمان تھا کہ تین نہیں پانچ قیراط کی انگوٹھی لینی ہے؟ کیا قائداعظم کا یہ فرمان تھا کہ فارن فنڈنگ کرو؟ زکوۃ خیرات کے پیسے کو سیاست کے لئے استعمال کرو؟ یا قائداعظم کا یہ فرمان تھا کہ اپنے تحفظ کے لئے آنے والی طیبہ گل کو وزیراعظم ہاﺅس کے کمرے میں بند کردو؟‘۔
مزید پڑھیں: عمران کو افسران سے ملکر سازش کے وقت قائد کا فرمان یاد نہیں آیا؟ مریم نواز
انہوں نے مزید سوال دہراتے ہوئے کہا کہ ’کیا قائداعظم کا یہ فرمان تھا کہ ڈی جی ایف آئی اے کو وزیراعظم ہاﺅس کے باتھ روم میں بند کردو؟ کیا قائداعظم کا یہ فرمان تھا کہ نیب چئیرمین کو بلیک میل کرکے سیاسی مخالفین کو سزائے موت کی چکیوں میں ڈالیں؟جھوٹے مقدمات بنائیں؟ کیا قائداعظم کا یہ فرمان تھا کہ اپنی سیاست اور اقتدار کو بچانے کے لئے سیاست میں اسلامی ٹچ دیں؟ کیا قائداعظم کا یہ فرمان تھا کہ سیاسی مخالفین کو غداری سے لنک کریں؟ کیا قائداعظم کا یہ فرمان تھا کہ توشہ خانہ میں ڈاکے ڈالیں؟ حرم پاک کے عکس والی گھڑی بیچیں؟ کیا قائداعظم کا یہ فرمان تھا کہ توشہ خانہ کے ہیروں کے ہار بیچ دیں؟۔
مریم اورنگزیب نے اپنے بیان میں مزید سوالات کیے کہ کیا قائداعظم کا یہ فرمان تھا کہ سیلاب متاثرین کی زندگیاں بچاتے ہوئے شہید ہونے والوں کے خلاف غلیظ مہم چلائیں؟ کیا قائداعظم کا یہ فرمان تھا کہ افواج پاکستان کے افسران کے خلاف ایک منظم مہم چلائیں؟ کیا قائداعظم کا یہ فرمان تھا کہ تحریک عدم آنے پر اسپیکر، ڈپٹی اسپیکر، صدرپاکستان اور گورنر سے آئین شکنی کرائیں؟ کیا قائداعظم کا یہ فرمان تھا کہ آپ سکیورٹی ایجنسیز کے افسران کو آئین کی پاسداری پر نیوٹرل، جانور، غدار اور میر جعفر کہیں؟ کیا قائداعظم کا یہ فرمان تھا کہ دوسروں کے مینڈیٹ کو چوری کرکے مسلط ہوجائیں اور آٹا چینی گیس پر ڈاکے ڈالیں؟۔
یہ بھی پڑھیں: امید ہے نئی فوجی قیادت اعتماد کی کمی کے خاتمے کی کوشش کریگی، عمران خان
وزیراطلاعات کا کہنا تھا کہ 2018 سے 2022 تک پاکستان اور عوام پر جو تباہی آپ لائے قوم وہ بھول نہیں سکتی، لانگ مارچ سے فارغ، نالائق، نااہل، چور، کرپٹ، سیاسی طور پر فیل، اب آپ فارغ ہیں، اس فراغت میں عمران خان ایک کام کریں کہ توشہ خانہ کے ملنے والے تمام تحائف ظاہر کر دیں۔
انہوں نے یقین دہانی کرائی کہ عمران خان نے توشہ خانہ کے حوالے مقدمہ کرنا تھا مگر تین ہفتے ہوگئے کوئی درخواست نہیں دی، بہتر ہے کہ وہ مقدمہ درج کرنے کی تاریخ دے دیں، عمران خان کو معلوم ہے کہ توشہ خانہ کا کیس کیا تو گھڑی سمیت سب حساب دینے پڑیں گے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔