انجری کے باعث ارشد ندیم کی ٹوکیو اولمپکس میں شرکت مشکوک

کامن ویلتھ اور اسلامی یکجہتی گیمز کےگولڈ میڈلسٹ ارشد ندیم کہنی کی انجری کا شکار ہوگئے۔

پاکستان کے اسٹار اتھلیٹ ارشد ندیم اپنی کہنی اور پنڈلی کی انجری کے علاج کیلئے انگلینڈ روانہ ہوگئے ہیں، مکمل چیک اپ کے بعد اولمپئین کی سرجری کرنے یا جاری رکھنے کا فیصلہ ہوگا۔

ارشد ندیم کے علاج کے لیے ڈاکٹر علی شیر باجوہ کی خدمات حاصل کی گئی ہیں۔

مزید پڑھیں: اسلامی یکجہتی گیمز، ارشد ندیم نے پاکستان کے لیے پہلا گولڈ میڈل جیت لیا

قبل ازیں پانچویں اسلامی یکجہتی گیمز میں ارشد ندیم نے پاکستان کی نمائندگی کرتے ہوئے گولڈ میڈل حاصل کیا تھا۔