مقامی صرافہ بازاروں میں سونے کی قیمتوں میں بڑا اضافہ

ویب ڈیسک  جمعرات 1 دسمبر 2022
فوٹو: فائل

فوٹو: فائل

 کراچی: عالمی مارکیٹ میں سونے کی قیمتوں میں اضافے کے بعد مقامی صرافہ بازاروں میں سونے کی قیمتوں کو پَر لگ گئے۔

ایکسپریس نیوز کے مطابق انٹرنیشنل مارکیٹ میں فی اونس سونے کی قیمت میں 30 ڈالر کے اضافے کے بعد 1770 ڈالر پر پہنچ گئی۔

عالمی مارکیٹ میں اضافے کے بعد مقامی صرافہ بازاروں میں سونے کی فی تولہ قیمت 1550 روپے بڑھ کر 162750 روپے کی سطح پر آگئی۔

موصولہ اطلاعات کے مطابق مقامی بازاروں میں دس گرام سونے کی قیمت 1329 روپے اضافے کے بعد 139532 روپے کی سطح پر پہنچ گئی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔