- بھارتی چینل میں مصنوعی ذہانت پر مبنی پہلی ’’اینکر‘‘ متعارف
- عدالتی اصلاحات سے متعلق بل 2023 قومی اسمبلی سے متفقہ طور پر منظور
- فیٹف کے بعد پاکستان کے نام ایک اور بڑی کامیابی؛ ہائی رسک ممالک سے نام خارج
- مجھے نہیں لگتا پاکستان 2023 ورلڈکپ کیلئے بھارت میں میچز کھیلے گا، وسیم خان
- کرسی پر میں بیٹھوں گا! نگراں وزیر اطلاعات کے پی اور سیکریٹری اطلاعات میں تنازع
- یونان؛ یہودی عبادت گاہ پر حملے کی منصوبہ بندی کے الزام میں 2 پاکستانی گرفتار
- آئی سی سی رینکنگ؛ بابراعظم کی ون ڈے میں بادشاہی برقرار، ٹی20 میں راشد کا پہلا نمبر
- بھارت میں جیولری کی دکان میں فلمی انداز میں چوری
- سپریم کورٹ ججز آمنے سامنے ہوں تو پارلیمنٹ کو کردار ادا کرنا چاہیے، وزیرداخلہ
- انتخابات ایک دن میں ممکن نہ ہوں، تو دو دن میں بھی ہوسکتے ہیں، چیف جسٹس
- طیبہ گل ہتک عزت کیس؛ سابق ڈی جی نیب عدالت میں پیش
- تائیوان کی صدر سے ملاقات کی تو امریکا جنگ کیلیے تیار رہے؛ چین
- دی ہنڈریڈ؛ مائیک ہسی نے شاہین، حارث سے توقعات وابستہ کرلیں
- جسٹس نقوی کیخلاف ریفرنس؛ شکایت کنندہ نے بیان حلفی جمع کرادیا
- ہاؤسنگ سوسائٹی ریفرنس؛ خواجہ برادران کیخلاف نیب ریفرنس واپس
- کھاتے وقت منہ سے نکلنے والی آوازیں دوسروں کیلیے ذہنی اذیت بن سکتی ہیں
- شہباز گل کو چار ہفتوں کے لیے امریکا جانے کی اجازت
- بابراعظم کپتان ہیں، انہیں عمر اکمل کے کم بیک کا دیکھنا ہے، سابق کرکٹر
- جج دھمکی کیس؛ عمران خان کے ایک بار پھر ناقابلِ ضمانت وارنٹ گرفتاری جاری
- کراچی کی 6 یو سیز میں دوبارہ گنتی روکنے کے حکم میں توسیع
حکومتی اتحادیوں کی ترقیاتی اسکیمیں، خصوصی گرانٹ کا اجرا منظور

وفاقی وزیر خزانہ اسحق ڈار کی زیر صدارت کابینہ کی اقتصادی رابطہ کمیٹی کا اجلاس۔ فوٹو فائل
اسلام آباد: کابینہ کی اقتصادی رابطہ کمیٹی(ای سی سی) نے جمعے کے روز ہونے والے اجلاس میں اپنے حکومتی اتحادیوں کی ترقیاتی اسکیموں کیلیے 16 ارب روپے کی خصوصی گرانٹ جاری کرنے کی منظوری دی ہے۔
کابینہ کی اقتصادی رابطہ کمیٹی (ای سی سی) کا اجلاس گذشتہ روز ( جمعہ ) یہاں وفاقی وزیر خزانہ اور ریونیو سینیٹر محمد اسحاق ڈار کی زیر صدارت منعقد ہوا۔ اجلاس میں وفاقی وزیر برائے بجلی خرم دستگیر خان، وفاقی وزیر برائے صنعت و پیداوار سید مرتضیٰ محمود و دیگر شریک ہوئے۔
وزارت خزانہ کی طرف سے جاری کردہ اعلامیہ کے مطابق وزارت اقتصادی امور نے جی -20 ڈیبٹ سروس معطلی اقدام (ڈی ایس ایس آئی ) پر ایک سمری پیش کی۔ آئی ڈی اے کے اہل ممالک کے لیے کوویڈ-19 کے سماجی و اقتصادی اثرات کو کم کرنے کے لیے اس قرض میں ریلیف کا اعلان اپریل 2020 میں کیا گیا تھا۔ اس اقدام کے تحت قرض سے نجات اصولی طور پرسود کی ادائیگیوں کی معطلی کے ذریعے ہوناتھی۔ جی 20 کے وزرائے خزانہ نے پیشگوئی کے پیش نظرقرضوں میں ریلیف کو مزید چھ ماہ (جولائی دسمبر، 2021) کے لیے بڑھا دیا۔
ای سی سی نے وزارت اقتصادی امور کو جاپان بینک فار انٹرنیشنل کوآپریشن (جے بی آئی سی ) کے ساتھ کووِڈ سے متعلق 26.150 ملین امریکی ڈالر کے قرض کی معطلی کے لیے قرض کی بحالی کے معاہدے پر دستخط کرنے کی اجازت دی دی ہے اس کے علاوہ وزارت صنعت و پیداوار نے یکم دسمبر 2022 کو کھولے گئے تیسرے بین الاقوامی یوریا ٹینڈر کے ایوارڈ کے لیے ایک سمری بھیجی تھی۔
ای سی سی نے غور و خوض کے بعد میسرز سوئس سنگاپور اوورسیز پی ٹی ای لمیٹڈ کی جانب سے سی ایف آر بلک بنیادوں پر33 ہزارمیٹرک ٹن یوریا کی فراہمی کے لیے 551 ڈالرز فی میٹرک ٹن کی سب سے کم بولی کی منظوری دیدی ہے۔
ای سی سی نے وزارت خارجہ،وزارت توانائی اور وزارت ہاؤسنگ اینڈ ورکس کیلئے تکنیکی سپلیمنٹری گرانٹس/ سپلیمنٹری گرانٹس کی بھی منظوری دیدی ہے وزارت خزانہ کے مطابق ای سی سی نے وزارت خارجہ کیلئے 34 کروڑ93 لاکھ 83 ہزار روپے کی سپلمنٹری گرانٹ کی منظوری دی جو کہ یوکرین اور روس کے درمیان جنگ کے باعث یوکرین سے پاکستانیوں کے انخلا پر خرچ ہوئے۔
اس کے علاوہ ای سی سی نے سرکاری شعبہ کے ترقیاتی پروگرام کے تحت پنجاب، سندھ، بلوچستان اور خیبرپختونخوا کی ترقیاتی اسکیموں پر عملدرآمد کے لیے وزارت توانائی (پاور ڈویڑن) کیلئے 8 ارب دس کروڑ ستانوے لاکھ 72ہزار روپے کی اور وزارت ہاؤسنگ اینڈ ورکس کے لیے 8 ارب روپے کی سپلمنٹری گرانٹ کی منظوری دیدی ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔