اوپنرزامام الحق اورعبد اللہ کی بھی سنچریاں؛ ٹیسٹ کرکٹ میں نئی تاریخ رقم

ویب ڈیسک  ہفتہ 3 دسمبر 2022
دونوں ٹیموں کے اوپنرز نے سنچریاں اسکور کیں، فوٹو: ٹوئٹر

دونوں ٹیموں کے اوپنرز نے سنچریاں اسکور کیں، فوٹو: ٹوئٹر

 راولپنڈی: پاکستان اور انگلینڈ کے درمیان ٹیسٹ میچ میں قومی ٹیم کے اوپنرز امام الحق اور عبد اللہ شفیق نے انفرادی سنچریاں مکمل کرکے پہلی وکٹ کی شراکت میں 225 رنز بٹورے۔ اس ٹیسٹ میچ میں کئی ریکارڈ ٹوٹ رہے ہیں اور اوپنرز کی سنچریوں نے ایک نئی تاریخ رقم کردی۔  

راولپنڈی ٹیسٹ کی پہلی اننگز میں انگلینڈ کی جانب سے اوپنرز زیک کراؤلی اور بین ڈیکٹ نے بھی انفرادی سنچریاں کی تھیں اور اپنی ٹیم کو 233 رنز کے مجموعی اسکور پر پہنچا کر یہ پارٹنرشپ ختم ہوئی تھی۔

پاکستان نے بھی اپنی اننگ کا آغاز شاندار طریقے سے کیا اور اوپنرز عبداللہ شفیق اور امام الحق نے بالترتیب 114 اور 121 کے انفرادی اسکور کیے جب کہ پہلی وکٹ 225 رنز پر گری۔

https://twitter.com/TheRealPCB/status/1598933422113554432?s=20&t=NcyX4-kLPzR63605mM5Epg

اس طرح ٹیسٹ کرکٹ کی تاریخ میں پہلی بار مدمقابل دونوں ٹیموں کے اوپنرز نے ایک ہی اننگ میں انفرادی طور پر سنچریاں کیں اور اپنی ٹیم کو 200 سے زائد رنز کی اوپننگ پارٹنر شپ دی جوکہ ایک ریکارڈ ہے۔

 

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔