عمران خان کی رہائش گاہ کے باہر مخالف نعرے بازی پر شہری گرفتار

طالب فریدی  ہفتہ 3 دسمبر 2022
فوٹو اسکرین گریپ

فوٹو اسکرین گریپ

 لاہور: پنجاب کے دارالحکومت کے علاقے زمان پارک میں پاکستان تحریک انصاف کے چیئرمین عمران خان کی رہائش گاہ کے باہر نعرے بازی کرنے والے شہری کو پولیس نے گرفتار کرلیا۔

زمان پارک میں عمران خان کی رہائش گاہ کے باہر سے گزرنے والا شہری اچانک رکا اور انتظامیہ پر تنقید کرتے ہوئے چیئرمین پی ٹی آئی کے خلاف نعرے بازی کی، جس پر وہاں موجود پی ٹی آئی کے کارکنان مشتعل ہوگئے۔

پی ٹی آئی کارکنان نے شہری کی درگت بنائی تو اس دوران پولیس خاموش کھڑی تماشہ دیکھتی رہی اور پھر دونوں کو ہٹا کر نعرے لگانے والے شہری کو حراست میں لے کر تھانے منتقل کردیا۔

شہری کا کہنا تھا کہ زمان پارک میں عمران خان کی موجودگی کی وجہ سے ٹریفک میں گھنٹوں دشواری کا سامنا کرنا پڑتا ہے، ہم اس سے بہت زیادہ تنگ آگئے ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔