شنگھائی الیکٹرک تھر کول پاور پلانٹ کا پہلا 660 میگاواٹ کا یونٹ نیشنل گرڈ سے منسلک

آئی این پی  پير 5 دسمبر 2022
660 میگاواٹ ایک اور یونٹ بھی آج نیشنل گرڈ سے منسلک ہو جائے گا۔ فوٹو: فائل

660 میگاواٹ ایک اور یونٹ بھی آج نیشنل گرڈ سے منسلک ہو جائے گا۔ فوٹو: فائل

اسلام آباد: شنگھائی الیکٹرک کا پہلا 660 میگاواٹ یونٹ پاور پلانٹ کو نیشنل گرڈ سے منسلک کر دیا گیا۔

شنگھائی الیکٹرک کا پہلا 660 میگاواٹ یونٹ 1,320 میگاواٹ تھر کول پر مبنی پاور پلانٹ کو نیشنل گرڈ سے منسلک کر دیا گیا، 660 میگاواٹ ایک اور یونٹ بھی(آج) پیر (5 دسمبر) نیشنل گرڈ سے منسلک ہو جائے گا، دونوں یونٹس قومی گرڈ میں 1320 میگاواٹ بجلی فراہم کریں گے۔

گوادر پرو کے مطابق وفاقی وزیر برائے بجلی خرم دستگیر خان نے ایک بیان میں کہا ہے کہ مقامی وسائل سے کم لاگت بجلی کے اضافے کو خوشخبری قرار دیتے ہوئے مزید کہا کہ یہ چین پاکستان اقتصادی راہداری ( سی پیک ) اقدام کا ثمر ہے۔

گوادر پرو کے مطابق شنگھائی الیکٹرک صوبہ سندھ کے صحرائے تھر کول بلاک ون میں 2660 میگاواٹ کے الٹرا سپر کریٹیکل کوئلے سے چلنے والے پاور پلانٹس کا اسپانسر ہے۔

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔