پی ٹی آئی رہنما اسد عمر کو عدلیہ مخالف تقریر پر توہین عدالت کا نوٹس جاری

ویب ڈیسک  پير 5 دسمبر 2022
اسد عمر کو لانگ مارچ کے دوران عدلیہ مخالف تقریر پر نوٹس جاری کیا گیا:فوٹو:فائل

اسد عمر کو لانگ مارچ کے دوران عدلیہ مخالف تقریر پر نوٹس جاری کیا گیا:فوٹو:فائل

لاہور ہائی کورٹ کے راولپنڈی بینچ نے پی ٹی آئی رہنما اسد عمر کو عدلیہ مخالف تقریر پر توہین عدالت کا نوٹس جاری کردیا۔

راستوں کی بندش کیس کی سماعت لاہور ہائی کورٹ کے راولپنڈی بینچ میں ہوئی۔ عدالت نے کہا کہ پرامن احتجاج سب کا حق ہے۔ احتجاج ہوچکا اب اس کیس میں کیا ہے؟

جسٹس جواد حسن  نےلانگ مارچ کے دوران پی ٹی آئی کے رہنما اسد عمر کی عدلیہ کے خلاف تقریر کا نوٹس لیتے ہوئے انہیں توہین عدالت کا نوٹس جاری کرتے ہوئے 7 دسمبر کوجواب طلب کرلیا۔ عدالت نے راستوں کی بندش کیس کی سماعت 7 دسمبر تک ملتوی کرتے ہوئے آئندہ سماعت میں دلائل دینے کا حکم دیا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔