چیف سیکرٹری پنجاب کامران افضل کا کام کرنے سے ایک بار پھر انکار

 لاہور: چیف سیکرٹری پنجاب کامران علی افضل نے پنجاب میں کام کرنے سے ایک بار پھر انکار کردیا۔

کامران علی افضل کی ایک ماہ کی چھٹی 6 دسمبر کو مکمل ہورہی ہے۔ انہوں نے وفاقی اسٹیبلیشمنٹ ڈویژن کو مزید 130روز کی چھٹی کی درخواست دیدی۔

کامران علی افضل نے 130روز بیرون ملک ایکس لیو کےلئے درخواست دیتے ہوئے کہا کہ میں آسٹریلیا جانا چاہتا ہوں۔

یہ بھی پڑھیں: عبداللہ سنبل نے نیا چیف سیکرٹری پنجاب بننے سے انکار کردیا

وزیراعلیٰ پنجاب چوہدری پرویزالہی پہلے ہی کامران علی افضل کی ایک ایک ماہ کی دو بار چھٹی منظور کرچکے ہیں۔ عبداللہ سنبل کو قائم مقام چیف سیکرٹری کے طورپر کام جاری رکھنے کا حکم دیا گیا تھا۔

چیف سیکرٹری پنجاب کامران علی افضل نے چھ اگست کو پنجاب میں بطور چیف سیکرٹری کام کرنے سے انکار کرتے ہوئے کہا تھا کہ پنجاب میں ربڑ اسٹیمپ بن کر کام نہیں کرسکتا اس لئے کام کرنے سے معذرت کی تھی۔