- کراچی میں مرکزی مویشی منڈی کب اور کہاں سجے گی؟
- پاکستان ویسٹ انڈیز ویمن ٹی ٹوئنٹی سیریز کا پہلا میچ آج کھیلا جائے گا
- اسحاق ڈار کی پی ٹی آئی کو ساتھ کام کرنے کی پیش کش
- ٹی ٹوئنٹی ورلڈ کپ 2024 کی ٹرافی پاکستان پہنچ گئی، اسلام آباد میں رونمائی
- وزیر مملکت برائے آئی ٹی شزہ فاطمہ سے میٹا کے وفد کی ملاقات
- برطانیہ کا ایرانی ڈرون انڈسٹری پر نئی پابندیوں کا اعلان
- سزا اور جزا کے بغیر سرکاری محکموں میں اصلاحات ممکن نہیں، وزیر اعظم
- چوتھا ٹی ٹوئنٹی: نیوزی لینڈ کے ہاتھوں پاکستان کو مسلسل دوسری شکست
- حماس کی قید میں موجود اسرائیلی یرغمالی کی نئی ویڈیو جاری
- جامعہ کراچی میں قائم یونیسکو چیئرکے ڈائریکٹر ڈاکٹراقبال چوہدری سبکدوش
- تنزانیہ میں طوفانی بارشیں؛ سیلاب اور لینڈ سلائیڈنگ سے 155 افراد ہلاک
- ججز کو دھمکی آمیز خطوط؛ سپریم کورٹ کا لارجر بینچ 30 اپریل کو سماعت کریگا
- متحدہ عرب امارات کی مارکیٹ میں پاکستانی گوشت کی طلب بڑھ گئی
- زرمبادلہ کے ذخائر میں گزشتہ ہفتے 9 کروڑ 30 لاکھ ڈالر کی کمی
- فوج سے کوئی اختلاف نہیں، ملک ایجنسیز کے بغیر نہیں چلتے، سربراہ اپوزیشن گرینڈ الائنس
- جوحلف نامہ مجھ پر لاگو وہ تمام ججوں،جرنیلوں پر بھی لاگو ہو گا : واوڈا
- اگر حق نہ دیا تو حکومت گرا کر اسلام آباد پر قبضہ کرلیں گے، علی امین گنڈاپور
- ڈالر کی انٹر بینک قیمت میں اضافہ، اوپن مارکیٹ میں قدر گھٹ گئی
- قومی اسمبلی: خواتین ارکان پر نازیبا جملے کسنے کیخلاف مذمتی قرارداد منظور
- پاکستان نے انسانی حقوق سے متعلق امریکی ’متعصبانہ‘ رپورٹ مسترد کردی
پچ اور فٹنس مسائل کے بعد اب موسم تیور دکھانے لگا
لاہور: پچ اورفٹنس مسائل کے بعد اب موسم تیور دکھانے لگا جب کہ فتح کے ٹریک پر واپسی کیلیے پاکستان ٹیم درست کمبی نیشن کی متلاشی ہے۔
پہلے ٹیسٹ میں راولپنڈی کی ڈیڈ پچ موضوع بحث بنی رہی، پی سی بی کواس وجہ سے سخت تنقید کا سامنا کرنا پڑا،انجری کی وجہ سے پاکستان کو شاہین شاہ آفریدی کی خدمات حاصل نہیں تھیں، اب حارث رؤف بھی مکمل سیریز سے باہر ہو چکے۔
ملتان میں موسم بھی امتحان لے گا، راولپنڈی میں انگلینڈ نے ٹاس جیتنے کا پورا فائدہ اٹھایا، مردہ پچ پر انگلش بولرز نے جاندار کارکردگی کا مظاہرہ کرتے ہوئے فتح کا راستہ بنا دیا، مہمان بیٹرز نے رنز کی بہتی گنگا میں ہاتھ دھوئے اور ون ڈے کرکٹ کی طرز پر دونوں اننگز میں تیزی سے اسکور کیا، دوسری اننگز میں دباؤ کا شکار پاکستان ٹیم نے بالآخر پیسرز کے سامنے ہتھیار ڈال دیے۔
جمعے سے ملتان میں شروع ہونے والے دوسرے ٹیسٹ کیلیے انجریز اور ناقص کارکردگی کے باعث ٹیم میں تبدیلیوں کا امکان ہے، ملتان میں 16 سال سے کوئی طویل فارمیٹ کا انٹرنیشنل میچ نہیں کھیلا گیا۔
حالیہ ڈومیسٹک میچز میں یہاں کی پچ اسپنرز کو کچھ مدد فراہم کرتی رہی ہے،آخری فرسٹ کلاس میچ میں یاسر شاہ نے دونوں اننگز میں 5،5 وکٹیں حاصل کیں، میزبان کپتان بابر اعظم نے بہتر اور جاندار پچ کی خواہش ظاہر کی تھی۔
تیاری دیکھنے کیلیے بیٹنگ کوچ محمد یوسف پہلے ہی ملتان پہنچ چکے،انھوں نے ہیڈ کوچ ثقلین مشتاق کی جانب سے دیے گئے پلان پر عمل درآمد کرانے کی کوشش کی ہے مگر اندازہ کھیل شروع ہونے پر ہوگا۔
ذرائع کے مطابق ملتان کی پچ کی صورتحال کے باوجود لیگ اسپنر زاہد محمود کو ڈراپ کیا جاسکتا ہے، انھوں نے راولپنڈی میں مجموعی طور پر 319 رنز دے کر 6 وکٹیں حاصل کیں، محمد نواز اور ابرار احمد ٹیم میں اپنی جگہ بنانے کیلیے کوشاں ہیں، فاسٹ بولر حسن علی ممکنہ طور پر انجرڈ حارث رؤف کی جگہ لیں گے، محمد عباس کا نام بھی زیر غور آیا مگر رفتار کم ہونے کی وجہ سے شمولیت کا امکان کم رہ گیا ہے۔
حارث رؤف کو بطورشاہین شاہ آفریدی متبادل طلب کیا گیا تھا مگر وہ سیریز سے باہر ہوچکے،کپتان بابر اعظم پہلے ہی کہہ چکے کہ ملتان میں مختلف انداز کی کرکٹ کھیلیں گے۔
دوسری جانب انگلش ٹیم میں ایک تبدیلی کا امکان ہے، وکٹ کیپر بیٹر بین فوکس کو انجرڈ لیام لیونگ اسٹن کی جگہ شامل کیا جائے گا،وہ گھٹنے کا علاج کرانے کیلیے واپس روانہ ہو رہے ہیں۔ملتان کا موسم بھی میچ میں کردار ادا کرنے والا اہم عنصر ہو گا۔
صوبائی حکام نے آئندہ چند روز کیلیے دھند کا الرٹ جاری کردیا جو کھیل کو متاثر کرسکتا ہے جس کے باعث میچ تاخیر سے شروع کرنے کے ساتھ قبل از وقت بھی ختم کرنا پڑ سکتا ہے۔دونوں ٹیموں نے گذشتہ روزپریکٹس سے گریز کیا، انگلش کرکٹرز گالف کھیلنے کیلیے گئے۔
جمعرات کوپریکٹس سیشنز کیلیے میدان کا رخ کریں گی، 10 سے ایک بجے تک 3گھنٹے تک بھرپور مشقوں میں بیٹنگ، بولنگ اور فیلڈنگ بہتر بنانے کے ساتھ کنڈیشنز سے ہم آہنگی کیلیے کوشش ہوگی، پریس کانفرنسز میں دونوں ٹیموں سے ایک ایک کھلاڑی میڈیا کی توجہ کا مرکز بنے گا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔