خنجر کی نوک پر ڈکیتی کی وارداتیں کرنے والا گروہ گرفتار

نعمان شیخ  جمعـء 9 دسمبر 2022
فوٹو: ایکسپریس

فوٹو: ایکسپریس

 لاہور: لاہور ٹبی سٹی پولیس نے خنجر کی نوک پر شہریوں کو لوٹنے والے دو رکنی گروہ کو گرفتار کر لیا۔

پولیس کے مطابق ملزمان نے چند روز قبل شہری کو بادشاہی مسجد کا راستہ پوچھنے پر لوٹ لیا،ملزمان دوران واردات آتشیں اسلحہ بھی استعمال کرتے،وادات کیلئے بیٹھے ملزمان کو ٹبی سٹی پولیس نے پکڑ لیا۔

پولیس کا کہنا ہے کہ ملزمان کو جدید ٹیکنالوجی کی مدد سے گرفتار کیا گیا،گرفتار ملزمان میں احمد سلیم اور نور عمر عرف سائیں شامل ہیں، ملزمان کے خلاف مقدمات درج تکرنے کے بعد تفتیش کا اغاز کردیاگیا ہے۔

ایس پی سٹی محمد سرفراز ورک نے انسداد جرائم کے حوالہ سے بہتر کاروائی پر ایس ایچ او ٹبی سٹی اور ٹیم کو شاباش دیتے ہوئے کہا ہے کہ جرائم پیشہ عناصر کے خلاف بلا امتیاز کاروائیاں کی جا رہی ہیں۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔