- کرپٹو کرنسی فراڈ اسکینڈل میں سام بینک مین فرائڈ کو 25 سال قید
- کراچی، تاجر کو قتل کر کے فرار ہونے والی بیوی آشنا سمیت گرفتار
- ججز کے خط کی انکوائری، وفاقی کابینہ کا اجلاس ہفتے کو طلب
- امریکا میں آہنی پل گرنے کا واقعہ، سمندر سے دو لاشیں نکال لی گئیں
- خواجہ سراؤں نے اوباش لڑکوں کے گروہ کے رکن کو پکڑ کر درگت بنادی، ویڈیو وائرل
- پی ٹی آئی نے ججز کے خط پر انکوائری کمیشن کو مسترد کردیا
- عدالتی امور میں ایگزیکٹیو کی مداخلت کسی صورت برداشت نہیں کی جائے گی، فل کورٹ اعلامیہ
- وفاقی حکومت نے کابینہ کی ای سی ایل کمیٹی کی تشکیل نو کردی
- نوڈیرو ہاؤس عارضی طور پر صدرِ مملکت کی سرکاری رہائش گاہ قرار
- یوٹیوبر شیراز کی وزیراعظم شہباز شریف سے ملاقات
- حکومت کا بجلی کی پیداواری کمپنیوں کی نجکاری کا فیصلہ
- بونیر میں مسافر گاڑی کھائی میں گرنے سے ایک ہی خاندان کے 8 افراد جاں بحق
- بجلی 2 روپے 75 پیسے فی یونٹ مہنگی کردی گئی
- انٹربینک اور اوپن مارکیٹ میں ڈالر کی نسبت روپیہ تگڑا
- حکومت نے 2000 کلومیٹر تک استعمال شدہ گاڑیاں درآمد کرنے کی اجازت دیدی
- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
مراکش نے پرتگال کی پارٹی اجاڑنے کا خواب دیکھ لیا
کراچی: قطر فٹبال ورلڈ کپ میں ہفتے کو اختتامی 2 کوارٹر فائنلز کھیلے جائیں گے جب کہ مراکش نے پرتگیز پارٹی اجاڑنے کا خواب دیکھ لیا۔
راؤنڈ16 میچ میں سابق چیمپئن اسپین کو پنالٹی شوٹ آؤٹس پر رخصت کرنے والی مراکش کی ٹیم اب سیمی فائنل میں رسائی کا خواب آنکھوں میں سجا بیٹھی ہے۔
میگا ایونٹ میں اپنی حیران کن اور بے مثال کارکردگی سے مضبوط حریفوں کے دانت کھٹے کرنے والی افریقی ٹیم اب کوارٹرفائنل میں پرتگال کا سامنا کرے گی، جس نے راؤنڈ 16 میں جنوبی کوریا کیخلاف 1-6 سے نسبتاً آسان کامیابی سمیٹی، راموس نے ہیٹ ٹرک بنا کر خود کو گولڈن بوٹ کی دوڑ میں شامل کرلیا، فرنچ اسٹرائیکر کیلیان ایم باپے بھی 5 گول بنا چکے ہیں۔
مراکش کے گول کیپر یاسین بوناؤ نے عمدہ پرفارمنس سے پری کوارٹر فائنل میں سب سے داد سمیٹی تھی، انھوں نے 3 پنالٹیز روک کراپنی ٹیم کی پیش قدمی جاری رکھنے میں اہم کردار ادا کیا ،اشرف حکیمی، زکریا ابوخلال اوریوسف النصری بھی ٹیم کے لیے اہم ثابت ہوں گے۔
ہفتے کی شب آخری راؤنڈ 8 میچ دفاعی چیمپئن فرانس اور انگلینڈ کے درمیان ہوگا، فرنچ ٹیم نے پولینڈ کو3-1سے قابو کیا، کیلیان ایم باپے نے 2 جبکہ اولیور گیراؤڈ نے ایک بار گیند کو جال کی راہ دکھائی تھی، فرانس کے پاس لگاتار دوسرا ٹائٹل جیتنے والی دوسری ٹیم بننے کا موقع ہے، اب تک برازیل نے 1958 اور 1962 میں ٹرافی لگاتار 2 بار اپنے نام کی ہے۔
فرانس کو گروپ میں آسٹریلیااور ڈنمارک پر غلبہ حاصل ہوا لیکن تیونس نے0-1 ہراکر اپ سیٹ کردیا تھا، مڈفیلڈرز میں ایم باپے اور گیراؤڈ کے ساتھ اوسمین ڈیمبیل، ایڈرین ریبیوٹ اور اورولین نے خود کو قابل بھروسہ ثابت کیا ہے، انگلش فارورڈ کائل واکر فرنچ اسٹرائیکر ایم باپے کا توڑ ثابت ہوسکتے ہیں۔
2018 میں گولڈن بوٹ قبضے میں کرنے والے انگلش کپتان ہیری کین اس بار بھی ردھم میں ہیں لیکن تاحال ایک گول کر سکے ہیں ،البتہ انھوں نے 3 گول میں معاونت بھی کی ہے، سینیگال کیخلاف پری کوارٹر فائنل میں انگلینڈ کی کامیابی میں کین نے بھی ایک بار گیند کو جال کے سپرد کیا تھا۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔