- بحیرہ عرب میں ہوا کا کم دباؤ کل شام تک ڈپریشن میں تبدیل ہونے کا امکان
- بچوں سے جبری مشقت لینے پر پابندی عائد، عدالت کا مقدمات درج کرنے کا حکم
- روس کے ریڈیو اسٹیشنز ہیک، صدر پوٹن کا جعلی پیغام نشر ہوگیا
- حیدرآباد،سکھر موٹروے منصوبہ کیلئے ساڑھے 9 ارب روپے کی منظوری
- یہ زہریلی ترین مکڑی اپنے موڈ کے حساب سے زہر کی شدت تبدیل کرسکتی ہے
- بڑے شہروں میں قربانی کے جانوروں کی قیمت میں 40 فیصد تک اضافے کا امکان
- جنوبی وزیرستان دہشت گردوں سے فائرنگ کے تبادلے میں فوجی جوان شہید
- میاں چنوں، ڈاکوؤں نے سوئمنگ پول پر درجنوں شہریوں کو لوٹ لیا
- شہریار آفریدی اور اہلیہ کی گرفتاری غیرقانونی قرار، رہائی کا حکم
- وزیراعظم کی بجٹ میں غریب اور متوسط طبقے کیلئے خصوصی اقدامات کی ہدایت
- سفید چاول اتنے بھی نقصان دہ نہیں، 8 صحت بخش فوائد
- صاحب اختیارات وسیع پیمانے پر بدعنوانیاں کررہے ہیں، سراج الحق
- دیامیر پانی و بجلی کے شعبہ ایمرجنسی ورکس میں بڑی بے ضابطگیوں کا انکشاف
- کم سن بھائیوں کی ہلاکت کی وجہ پوسٹ مارٹم رپورٹ میں ظاہر نہ ہوسکیں، پولیس
- کراچی سے سعودی عرب آئس اسمگل کرنے کی کوشش ناکام، مسافر گرفتار
- لاہور، دبئی جانے والے مسافر سے 3 جعلی غیرملکی پاسپورٹ برآمد
- کراچی میں عالمی طرز کی فش مارکیٹ تعمیر کرنے کا فیصلہ
- بلوچستان میں فائرنگ کے واقعات میں دو افراد جاں بحق، تین زخمی
- پشاور میں 8 سالہ بچی کو بے دردری سے قتل کرنے والے بہن بھائی سمیت 4 ملزمان گرفتار
- پنجاب اسمبلی میں ’جعلی بھرتیاں‘؛ پرویز الہی نے درخواست ضمانت دائر کردی
راولپنڈی؛ پولیس گردی کے باعث شہری دل کا دورہ پڑنے سے جاں بحق

فائل فوٹو
راولپنڈی کے تھانہ نصیر آباد کے علاقے میں پولیس گردی کے باعث شہری دل کا دورہ پڑنے سے جاں بحق ہوگیا جبکہ دونوں اہلکاروں کو معطل کر دیا گیا۔
دونوں پولیس اہلکار بیمار ہمشیرہ کی ادویات لینے اسپتال جانے والے شہری کو گاڑی سے اتار کر اغواء کرکے ہوٹل میں لے گئے اور دھمکیاں دیکر رقم طلب کرنے کے لیے اتنا دباؤ ڈالا کہ شہری کو دل کا دورہ پڑا جو اسپتال پہنچ کر دم توڑ گیا۔
دونوں اہلکاروں کے خلاف مقدمہ درج کر لیا گیا لیکن ملزمان تاحال گرفتار نہ کیے جا سکے۔
پولیس کو مقدمہ درج کرواتے ہوئے ممتاز حیدر نے بتایا کہ 46 سالہ بھائی خالد محمود کے ساتھ ہمشیرہ کی ادویات لینے ویگن میں سوار ہو کر اسپتال جا رہا تھا کہ عاصم نیازی اور مقصود نامی پولیس اہلکار نے چار نامعلوم افراد کے ساتھ بھائی کو گاڑی سے زبردستی اتار لیا اور کائنات اڈے کے ایک ہوٹل میں لے گئے، میں بھی پیچھے چلا گیا۔
ممتاز حیدر نے بتایا کہ پولیس اہلکاروں نے بھائی کیساتھ نازیبا الفاظ استعمال کرتے ہوئے دھمکایا کہ 5 سال قبل تمھاری اہلیہ پر چوری کا مقدمہ درج کیا تھا، اب 5 لاکھ روپے دو ورنہ تمھارے خلاف 10 کلو چرس ڈال کر نائن سی کا مقدمہ درج کر دیں گے۔ پولیس اہلکاروں نے بھائی کی جیب سے 30 ہزار روپے زبردستی نکال لیے اور 5 لاکھ روپے منگوانے کے لیے بھائی کو مجبور کرکے بار بار ہمشیرہ کو فون کرواتے رہے۔
انہوں نے بتایا کہ بھائی دل کا مریض تھا، دباو برداشت نہیں کر سکا، طبیعت خراب ہونے پر انھوں نے نیم بے ہوشی کی حالت میں اسے ٹیکسی میں ڈال کر میرے حوالے کر دیا جس کو میں اسپتال لے گیا لیکن بھائی دم توڑ گیا۔
سی پی او راولپنڈی شہزاد ندیم بخاری نے واقعے کا سخت نوٹس لیکر دونوں اہلکاروں کو معطل کر دیا جبکہ دونوں پولیس اہلکاروں سمیت چار نامعلوم افراد کے خلاف اغواء و سرقہ بلجبر اور پولیس آرڈر کے تحت مقدمہ بھی درج کرلیا گیا تاہم ملزمان تاحال گرفتار نہ کیے جا سکے۔
ادھر پولیس حکام کا کہنا تھا کہ عاصم نیازی نامی اہلکار پولیس لائن اور مقصود نامی پولیس اہلکار بے نظیر بھٹو اسپتال پر تعینات ہے۔
سی پی او راولپنڈی شہزاد ندیم بخاری کا کہنا تھا کہ اختیارات سے تجاوز، ناروا سلوک یا بدعنوانی کسی صورت قابل برداشت نہیں، پولیس اہلکاروں کے خلاف مقدمہ درج کر لیا گیا ہے، سینیئر افسران کی نگرانی میں مقدمہ کی میرٹ پر تفتیش کرتے ہوئے ملزمان کو قانون کے مطابق سزا دلوائی جائے گی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔