بلوچستان کے 32 اضلاع میں دوسرے مرحلے کیلیے بلدیاتی انتخابات، ووٹوں کی گنتی جاری

 کوئٹہ: بلوچستان کے 32 اضلاع میں بلدیاتی انتخابات کے دوسرے مرحلے کے لیے پولنگ کا وقت ختم ہونے کے بعد گنتی کا عمل جاری ہے۔

غیر حتمی غیر سرکاری نتائج کے مطابق میونسپل کمیٹی ڈیرہ بگٹی کے تمام امیدوار بلا مقابلہ منتخب ہوگئے جبکہ میونسپل کارپوریشن کی مخصوص نشستوں بی این پی (عوامی) نے 9 مخصوص نشستوں پر کامیابی کی۔

پنجگور میں خواتین کی مخصوص نشستوں پر بلوچستان نیشنل پارٹی عوامی نے 6، نیشنل پارٹی نے 2 نشستیں اپنے نام کیں جبکہ سوراب میونسپل کمیٹی سے کسان اور لیبر کی نشست پر جے یو آئی کامیاب ہوئی۔

غیر حتمی غیر سرکاری نتائج کے مطابق میونسپل کمیٹی سبی کی 13 نشستوں میں سے 10 سیٹیں حاصل کرکے ڈومکی گروپ نے میدان مار لیا جبکہ میونسپل کارپوریشن الیکشن میں سہ فریقی اتحاد نے میدان مار لیا    ۔

زیارت کی تحصیل سنجاوی میں 8 میں سے 7 یوسیز کی نشستوں پر بلوچستان عوامی پارٹی کامیاب قرار پائی جبکہ دالبندین ٹاون  کمیٹی میں مخصوص نشست پر اقلیتی رہنما پروشتم لال کامیاب ہوئے۔

غیرحتمی غیرسرکاری نتائج کے مطابق مانجھی پور کی یونین کونسل دوائیکہ میں سلیم احمد کھوسہ پینل نے میدان مار لیا جبکہ بولان میں ایم سی ڈھاڈر کے الیکشن میں رند پینل کامیاب ہوا اور میونسپل کمیٹی مچھ کے الیکشن میں گیلو پینل کامیاب        ہوا۔