لڑکی سے زیادتی کے الزام پر اے ایس آئی سمیت 4 اہلکار معطل

 راولپنڈی: راولپنڈی میں مبینہ طور پر لڑکی کے ساتھ زیادتی کرنے والے اے ایس آئی سمیت 4 اہلکاروں  کو معطل کردیا گیا۔

ایکسپریس نیوز کے مطابق راولپنڈی میں لڑکی کے ساتھ مبینہ طور پر تھانہ روات کے اے ایس آئی نے زیادتی کی، معاملہ سامنے آنے پر سی پی او سید شہزاد ندیم بضالی نے نوٹس لیا اور انچاج چوکی بحریہ عطا اللہ، کانسٹیبل افضال، شکیل اور مرکزی ملزم اے ایس آئی سعید اکمل کو معطل کردیا۔

سی پی او نے غفلت لاپرواہی پر ایس ایچ او روات کو چارج شیٹ جاری کرنے کا حکم بھی دیا۔

اطلاعات کے مطابق متاثرہ لڑکی کی درخواست پر ایس ڈی پی او صدر پہلے سے انکوائری کر رہے ہیں، جس کی حقائق پر مبنی رپورٹ تفتیش کے بعد سی پی او کو بھیجی جائے گی۔

شہزاد ندیم بخاری نے کہا کہ انکوائری رپورٹ کی روشنی میں درخواست گزار کے الزامات درست ہونے پر اہلکاروں کیخلاف قانون کے مطابق کارروائی کے ساتھ سخت محکمانہ کارروائی کی جائے گی۔