ای سی سی نے ایک لاکھ میٹرک ٹن چینی برآمد کرنے کی منظوری دیدی

اقتصادی رابطہ کمیٹی نے ایک لاکھ میٹرک ٹن چینی برآمد کرنے کی منظوری دے دی ہے۔

یہ خبر بھی پڑھیں: چینی برآمدگی 10 لاکھ ٹن اضافی اسٹاک سے مشروط

وفاقی وزیر خزانہ اسحاق ڈار کی صدارت میں کابینہ کی اقتصادی رابطہ کمیٹی (ای سی سی) کا اجلاس ہوا، جس میں چینی برآمد کرنے کی منظوری سمیت تین نکاتی ایجنڈے پر غور کیا گیا۔

اجلاس میں چینی برآمد کرنے کی اجازت سے متعلق سمری پیش کی گئی، جس پر ای سی سی نے ایک لاکھ میٹرک ٹن چینی برآمد کرنے کی منظوری دے دی۔

مزید پڑھیں: حکومت نے چینی برآمد کرنے کی اجازت دینے کا فیصلہ کرلیا

علاوہ ازیں اجلاس میں وزارت موسمیاتی تبدیلی اور وزارت ہاؤسنگ کے لیے ٹیکنیکل سپلیمنٹری گرانٹ کی منظوری بھی دے دی گئی۔

یہ بھی پڑھیں: حکومت نے چینی برآمدکرنیکی اجازت نہ دی تومشکلات بڑھیں گی

واضح رہے کہ چینی برآمد کرنے کی اجازت کے لیے حکومت پر شوگر ملز ایسوسی ایشن کا دباؤ تھا۔ دوسری جانب وفاقی حکومت نے چینی کی برآمد کے لیے ایف بی آر کو10 لاکھ ٹن اضافی چینی کے اسٹاک کی تصدیق کی ہدایت بھی کی تھی۔