عدالت نے دانیہ شاہ کے جسمانی ریمانڈ کی درخواست مسترد کر دی

کراچی: عدالت نے رکن قومی اسمبلی و معروف ٹی اینکر عامر لیاقت کی بیوہ دانیہ شاہ کے جسمانی ریمانڈ کی استدعا مسترد کرتے ہوئے جوڈیشل ریمانڈ پر جیل بھیجنے کا حکم دے دیا۔

رپورٹ کے مطابق کورٹ میں جوڈیشل مجسٹریٹ جنوبی کی عدالت کے روبرو رکن قومی اسمبلی و معروف ٹی اینکر عامر لیاقت حسین کی نازیبا ویڈیوز وائرل کرنے سے متعلق مقدمے کی سماعت ہوئی۔

تفتییشی افسر نے بتایا کہ ویڈیوز طارق روڈ کے علاقے میں فلمائی گئیں۔ عدالت نے ریمارکس دیئے کہ اگر طارق روڈ تھانے کی حدود میں فلمائی گیئں تو وہاں کی عدالت میں پیش کریں۔ تفتیشی افسر نے بتایا کہ یہ ویڈیوز پورے پاکستان میں دیکھی گئیں ہیں، آپ کی عدالت کا بھی اختیار ہے۔

ملزمہ دانیہ شاہ نے عدالت میں بیان دیتے ہوئے کہا کہ ویڈیو میں نے وائرل نہیں کی یہ سب جائیداد  کی وجہ سے میرے ساتھ کیا جا رہا ہے۔ عدالت نے ریمارکس دیئے کہ تفتیشی افسر ملزمہ کو متعلقہ عدالت میں پیش کریں۔ ویڈیوز تصاویر کی حقیقت معلوم کرنے کے لیے ضروری ہے متعلقہ عدالت میں پیش کیا جائے۔ ایف آئی اے اگر چاہے تو جیل میں جا کر تفتیش کر سکتی ہے۔

مدعی کے وکیل نے موقف دیا کہ ملزمہ اکیلی نہیں بلکہ یہ ایک پورا گینگ ہے۔ عدالت نے آئندہ سماعت پر تفتیشی افسر کو چالان پیش کرنے کا حکم دیتے ہوئے دانیہ شاہ کو عدالتی ریمانڈ پر جیل بھیجنے کا حکم دے دیا۔