سات سالہ بچے سے زیادتی کی کوشش کرنے والا گرفتار

 راولپنڈی: صدر واہ پولیس نے سات سالہ بچے سے زیادتی کی کوشش کرنے والے ملزم کو گرفتار کرلیا۔

ایکسپریس نیوز کے مطابق پولیس نے متاثرہ لڑکے کے والد کی درخواست پر فوری طور پر مقدمہ درج کرکے ملزم سمیع اللہ کو گرفتار کیا۔ والد کے مطابق اس کے بیٹے کے ساتھ ملزم سمیع اللہ نے زیادتی کی کوشش کی۔

ایس پی پوٹھوہار ملک طارق نے کہا ہے کہ ملزم کو ٹھوس شواہد کے ساتھ چالان کر کے قرار واقعی سزا دلوائی جائے گی، زیادتی و استحصال ناقابل برداشت ہے، اس حوالے سے زیرو ٹالرنس پالیسی کو یقینی بنایا جارہا ہے۔