- کراچی: ڈی آئی جی کے بیٹے کی ہوائی فائرنگ، اسلحے کی نمائش کی ویڈیوز وائرل
- انوار الحق کاکڑ، ایمل ولی بلوچستان سے بلامقابلہ سینیٹر منتخب
- جناح اسپتال میں خواتین ڈاکٹروں کو بطور سزا کمرے میں بند کرنے کا انکشاف
- کولیسٹرول قابو کرنیوالی ادویات مسوڑھوں کی بیماری میں مفید قرار
- تکلیف میں مبتلا شہری کے پیٹ سے زندہ بام مچھلی برآمد
- ماہرین کا اینڈرائیڈ صارفین کو 28 خطرناک ایپس ڈیلیٹ کرنے کا مشورہ
- اسرائیل نے امن کا پرچم لہرانے والے 2 فلسطینی نوجوانوں کو قتل کردیا
- حکومت نے آٹا برآمد کرنے کی مشروط اجازت دے دی
- سائفر کیس میں امریکی ناظم الامور کو نہ بلایا گیا نہ انکا واٹس ایپ ریکارڈ لایا گیا، وکیل عمران خان
- سندھ ہائیکورٹ میں جج اور سینئر وکیل میں تلخ جملوں کا تبادلہ
- حکومت کا ججز کے خط کے معاملے پر انکوائری کمیشن بنانے کا اعلان
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی وعمران خان کی رہائی کیلیے ریلی کا اعلان
- ہائی کورٹ ججز کے خط پر چیف جسٹس کی زیرصدارت فل کورٹ اجلاس
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
- اسپیکر کے پی اسمبلی کو مخصوص نشستوں پر منتخب اراکین سے حلف لینے کا حکم
- امریکا میں چاقو بردار شخص کے حملے میں 4 افراد ہلاک اور 5 زخمی
- آئی پی ایل؛ ’’پریتی زنٹا نے مجھے اپنے ہاتھوں سے پراٹھے بناکر کھلائے‘‘
کے پی اسمبلی تحلیل کا اعلان؛ اے این پی نے امیدواروں کے ناموں کا اعلان کردیا
پشاور: عوامی نیشنل پارٹی (اے این پی) کے صوبائی صدر اور چیئرمین پارلیمانی بورڈ ایمل ولی خان نے خیبرپختونخوا اسمبلی کی تحلیل کے اعلان کے بعد بونیر صوبائی حلقوں و میٹرپولیٹن کیلیے امیدواروں کے ناموں کا اعلان کردیا۔
باچاخان مرکز پشاور میں میٹروپولیٹن پشاور کے یوتھ کنونشن سے خطاب کرتے ہوئے صوبائی صدر نے کہا کہ عمران خان 23 دسمبر چھوڑیں کل اسمبلیاں توڑیں، ہم الیکشن کیلئے تیار ہیں، آپ کل اسمبلیاں توڑیں اور الیکشن کا اعلان کریں، میں آج امیدواران کا اعلان کرتا ہوں۔
انہوں نے دعویٰ کیا کہ ’لکھ کر رکھ لیں عمران خان نے اعلان تو کردیا لیکن یہ صاحب اسمبلیاں نہیں توڑیں گے، انہوں نے پاکستان کا نام پوری دنیا میں شرمسار کر دیا، دنیا کہے گی کہ یہ ایسے لوگ ہیں جن کو تحفوں کی قدر نہیں، یہ دوسروں کو چور کہتے ہیں یہ خود سب سے بڑا چور ہے، پنجاب کو کنگال اور ملکی معیشت کو تباہ کر دیا، آج بھاگنا چاہتا ہے۔
اُن کا کہنا تھا کہ اٹھارویں ترمیم کے ذریعے غیر جمہوری قوتوں کا راستہ روکا گیا، عوام کی طاقت کا محور اسمبلی کو تحلیل کی وجہ کیا ہے؟ کیا وجہ ہے کہ جن سے کرسی لی گئی ہے، انکو واپس لایا جائے؟ عمران نیازی جیسا جھوٹا شخص تاریخ میں کبھی ملا نہیں، پختونخوا میں آئین و قانون کدھر ہے؟ بی آر ٹی، مالم جبہ کی تحقیقات کون کرے گا؟ اسپتالوں کو ایم ٹی آئی ایکٹ کے ذریعے تباہ کرنے کا جواب کون دے گا؟ پختونخوا میں آئین و قانون کو تباہ کر دیا گیا۔
ایمل ولی نے کہا کہ خیبرپختونخوا کو دہشتگردی اور جنگ کا میدان بنانے کی تیاریاں زوروشور سے جاری ہیں، آئے روز پولیس اہلکاروں پر حملے ہورہے ہیں، لوگ شہید ہورہے ہیں لیکن اقتدار کے ایوانوں میں خاموشی ہے، اس سال 2022ء میں پولیس پر سینکڑوں حملے ہوئے جس میں 105 پولیس اہلکار شہید ہوچکے ہیں، یہ سال پختونخوا کیلئے بدترین سال رہا جس میں ٹارگٹ کلنگ عروج پر پہنچ چکی ہے، ہم واضح کرچکے ہیں کہ دہشتگردی کے لئے اب پختونخوا کی سرزمین استعمال نہیں ہونے دیں گے۔
امیدواروں کے ناموں کا اعلان
انہوں نے بونیر کے صوبائی حلقوں کیلیے امیدواران کے ناموں کا اعلان کرتے ہوئے کہا کہ سردارحسین بابک پی کے 25 (پی کے 22)، قیصرولی خان پی کے 24 (پی کے 21) اور افسرخان پی کے 23 (پی کے 20) کے امیدوار ہوں گے جبکہ ثمرہارون بلور پی کے 81 (پی کے)، یاسین خلیل پی کے 77 (پی کے 74) کے امیدوار ہوں گے۔
عوامی نیشنل پارٹی نے پی کے 80 سے عابداللہ یوسفزئی، ارسلان خان ناظم کو پی کے 78 (پی کے 75)، ڈاکٹر نوید اللہ خان کو پی کے 79 (پی کے 76) جبکہ حاجی صدیق آفریدی پی کے 76 (پی کے 73) کو ٹکٹ دینے کا بھی اعلان کیا۔
واضح رہے کہ پاکستان تحریک انصاف کے چیئرمین عمران خان نے 23 دسمبر کو پنجاب اور خیبرپختونخوا کی اسمبلیاں تحلیل کرنے اور استعفوں کی تصدیق کیلیے قومی اسمبلی جانے کا اعلان کیا ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔