بگ بیش؛ شاداب کے حیران کن کیچ نے شائقین کے دل جیت لیے

لاہور: بگ بیش لیگ میں شاداب خان کے حیران کن کیچ نے شائقین کے دل جیت لیے۔

ہوبارٹ ہوریکنز کی نمائندگی کرنے والے اسپنر کی گیند پر پرتھ اسکارچرز کے ایرون ہارڈی نے ایک شاٹ کھیلا، گیند انتہائی دائیں جانب سے نان اسٹرائیکر کے قریب سے گزر جاتی مگر اسپنر نے فضا میں معلق ہوتے ہوئے اس پر قابو پالیا۔

شاداب نے اوور شروع کیا تو اسکارچرز کو 12گیندوں پر 18رنز کی ضرورت تھی، انھوں نے خود ہی کیچ تھام کر وکٹ لینے کے ساتھ صرف 4سنگلز بننے دیے، ہوریکنز 8رنز سے فاتح رہے۔