گھر کی صفائی ستھرائی، کچن کے کام اور کپڑے بھی دھوئے ہیں، شا ہ رُخ خان

کووِڈ کے دوران مجھے کوکنگ، صفائی ستھرائی سیکھنے اور خود کو فٹ رکھنے کا وقت مل گیا تھا، شاہ رُخ

ویب ڈیسک منگل 20 دسمبر 2022

ان دنوں شاہ رُخ خان اپنی آنے والی فلم پٹھان کی پروموشن میں مصروف ہیں(فائل فوٹو)

ممبئی: بالی ووڈ کنگ شاہ رُخ خان نے کووِڈ کے دنوں کو یاد کرتے ہوئے بتایا ہے کہ وہ اُن دنوں گھر کے کام کاج سیکھ گئے تھے۔

ان دنوں شاہ رُخ خان اپنی آنے والی فلم پٹھان کی پروموشن میں مصروف ہیں، حال ہی میں انہوں نے بھارتی کرکٹر روبن اٹھپا کو ایک انٹرویو دیا جس کی کلپ سوشل میڈیا وائرل ہو رہی ہے۔ اس انٹرویو میں شاہ رُخ خان اپنے ماضی اور مستقبل کے حوالے سے بات کرتے نظر آرہے ہیں۔

کنگ خان نے کہا کہ اگر میں نے کبھی اداکاری چھوڑی تو میں کاروبار کروں گا، انہوں نے ہنستے ہوئے کہا کہ ‘میں پٹھان کے نام سے کیٹرنگ ، بازی گر کے نام سے بیکری اور دل والے کے دلہنیا کے نام سے مٹھائی کی دوکان بھی کھول سکتا ہوں’۔

KING KHAN’s heartwarming and candid interview with @robbieuthappa is all ❤️✨ @iamsrk #FIFAWorldcup #ArgentinaVsFrance #Arg #Fra #FIFAWorldCupQatar2022 #FIFAWorldCup2022 #Messi #Mbappe #Pathaan #ShahRukhKhan #SRK #WayneRooney pic.twitter.com/3G289FjpWW

— Shah Rukh Khan Universe Fan Club (@SRKUniverse) December 18, 2022

شاہ رخ خان نے بتایا کہ وہ فلم زیرو کے بعد اداکاری سے ایک سال کا بریک لینا چاہتے تھے لیکن پھر کورونا کی وجہ سے یہ وقفہ طویل ہوگیا۔

کنگ خان نے بتایا کہ ’کووِڈ کے دوران مجھے کوکنگ، صفائی ستھرائی سیکھنے اور خود کو کو فٹ رکھنے کے لیے وقت مل گیا میں نے اس دوران اپنے بچوں کے ساتھ کافی وقت گزارا‘۔

شاہ رخ نے ہنستے ہوئے بتایا کہ ’کورونا کے باعث گھر میں رہنے کی وجہ سے میں نے گھر میں ہی جم شروع کردیا، کچن میں کام کیا، کپڑے دھوئے بلکہ میں نے خود کو فٹ رکھنے کے لیے گھر کا سارا کام بھی کیا‘۔