انگلینڈ سے شکست؛ ’’بابراعظم ہی کپتان رہے گا، کچھ اور سوچنا بھی منع ہے‘‘! شاہین

 بدھ 21 دسمبر 2022
بابراعظم کو کپتان برقرار رکھنا ہے یا نہیں اسکا فیصلہ آپ نہیں کریں گے؟ مداح (فوٹو: ایکسپریس ویب)

بابراعظم کو کپتان برقرار رکھنا ہے یا نہیں اسکا فیصلہ آپ نہیں کریں گے؟ مداح (فوٹو: ایکسپریس ویب)

انگلینڈ کے خلاف تین میچوں میں بدترین شکست کے بعد کپتان بابراعظم کی حمایت میں قومی ٹیم کے دو اہم پلیئرز نے سوشل میڈیا کا محاذ سنبھال لیا۔

کراچی ٹیسٹ جیت کر انگلش کرکٹ ٹیم نے پاکستان کو ہوم گراؤنڈ پر 70 سال میں پہلی مرتبہ ٹیسٹ سیریز میں وائٹ واش کیا، جس کے بعد تجزیہ کاروں اور کرکٹ حلقوں میں یہ بات زیر گردش تھی کہ بابراعظم کی جگہ کسی اور کو کپتان نامزد کیا جائے۔

دوسری جانب کپتان بابراعظم کی سپورٹ میں فاسٹ بولر شاہین آفریدی اور حارث رؤف نے ٹوئٹ کیا، شاہین نے اپنے ٹوئٹ میں لکھا کہ ’’بابراعظم ہماری اور پاکستان کی شان، جان اورپہچان ہے، وہ ہمارا کپتان ہے اور رہےگا، شاہین نے ناقدین کو آڑے ہاتھوں لیتے ہوئے کہا کہ بابر کے علاوہ کچھ اور سوچنا بھی منع ہے‘‘۔ انہوں نے مطالبہ کیا کہ ’’اس ٹیم کو سپورٹ کریں ،یہی ٹیم ہمیں جتائے گی ،کہانی ابھی ختم نہیں ہوئی‘‘۔

اسی طرح حارث رؤف نے ٹوئٹ میں لکھا کہ ’’بابراعظم ہمارے کپتان ہیں اور ہمیشہ رہیں گے‘‘۔

دوسری جانب ٹوئٹر پر کئی شائقین کرکٹ نے سوال اٹھایا کہ بابراعظم کو کپتان برقرار رکھنا ہے یا نہیں اسکا فیصلہ ٹیم منجمنٹ، چیئرمین پی سی بی کریں گے یا کھلاڑی؟۔

https://twitter.com/_husnainsubhani/status/1605254432215928832

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔