- کوہلو میں خراب سیکیورٹی کے باعث ری پولنگ نہیں ہوسکی
- 9 ماہ کے دوران 9.8 ارب ڈالر کا قرض ملا، وزارت اقتصادی امور ڈویژن
- نارووال: بارات میں موبائل فونز سمیت قیمتی تحائف کی بارش
- کراچی کے مختلف علاقوں میں زلزلے کے جھٹکے
- کوئٹہ: برلن بڈی بیئر چوری کے خدشے کے پیش نظر متبادل جگہ منتقل
- گجرات میں اسپتال کی چھت گرنے سے خاتون سمیت تین افراد جاں بحق
- سعودی فرمانروا طبی معائنے کیلیے اسپتال میں داخل
- امریکی سیکریٹری اسٹیٹ سرکاری دورے پر چین پہنچ گئے
- ہم یہاں اچھی کرکٹ کھیلنے آئے ہیں، جیت سے اعتماد ملا، مائیکل بریسویل
- پچھلے میچ کی غلطیوں سے سیکھ کر سیریز جیتنے کی کوشش کرینگے، بابراعظم
- امریکا میں ٹک ٹاک پر پابندی کا بل سینیٹ سے بھی منظور
- محمد رضوان اور عرفان خان کو نیوزی لینڈ کے خلاف آخری دو میچز میں آرام دینے کا فیصلہ
- کے ایم سی کا ٹریفک مسائل کو حل کرنے کیلئے انسداد تجاوزات مہم کا فیصلہ
- موٹروے پولیس اہلکار کو روندنے والی خاتون گرفتار
- ہندو جیم خانہ کیس؛ آپ کو قبضہ کرنے نہیں دیں گے، چیف جسٹس کا رمیش کمار سے مکالمہ
- بشری بی بی کو کچھ ہوا تو حکومت اور فیصلہ سازوں کو معاف نہیں کریں گے، حلیم عادل شیخ
- متحدہ وفد کی احسن اقبال سے ملاقات، کراچی کے ترقیاتی منصوبوں پر تبادلہ خیال
- کراچی میں سیشن جج کے بیٹے قتل کی تحقیقات مکمل،متقول کا دوست قصوروار قرار
- غزہ کے اسپتالوں میں اجتماعی قبروں نے اقوام متحدہ کو بھی خوفزدہ کردیا
- ایکس کی اسمارٹ ٹی وی ایپ متعارف کرانے کی تیاری
لاہور سے اغوا کیا جانیوالا امریکی شہری بھی طالبان سے رہائی کی فہرست میں شامل
لاہور: حکومت کی طرف سے طالبان کو قیدیوں کی رہائی کیلیے دی گئی فہرست میں 2 اہم سیاسی شخصیات کے بیٹوں کیساتھ ایک امریکی شہری کا نام بھی شامل ہے۔
امریکی شہری وارن وائن اسٹائن کو ڈھائی سال قبل صوبائی دارالحکومت کے علاقے ماڈل ٹاون سے اغوا کیا گیا تھا۔ امریکی شہری کی طالبان کے پاس موجودگی کی متعدد وڈیوز بھی سامنے آچکی ہیں،اغوا کی واردات سال 2011 میں اگست کے مہینے میں ہوئی تھی۔ تفصیلات کے مطابق امریکی شہری وارن وائن اسٹائن اکنامک ڈیولپمنٹ سمیت یو ایس ایڈ کے متعدد پروجیکٹس پر کام کررہا تھا۔ وقوعہ سے 10 روز قبل وہ لاہور پہنچا تھا اور وقوعہ سے 2 روز بعد اس کی واپسی تھی۔ وارن وائن اسٹائن امریکی ریاست میری لینڈ کا رہائشی تھا، پروجیکٹس کے سلسلے میں اس نے ماڈل ٹاؤن کے علاقے جے بلاک میں رہائش رکھی تھی، عمارت کا نیچے والا حصہ آفس کے طورپر استعمال ہوتا تھا جبکہ اوپر والی منزل پر وارن نے اپنی رہائش رکھی تھی۔ وارن کیساتھ اسکے 4 سیکیورٹی گارڈ اور ایک ڈرائیور بھی رہتے تھے۔ وقوعے کے روز 4 دہشت گردوں نے سحری دینے کے بہانے دروازہ کھلوایااور اپنے دیگر ساتھیوں کے ہمراہ گھر میں داخل ہوگئے۔
دہشت گردوں نے اسلحہ کے زور پر سیکیورٹی گارڈز کو قابو میں کیا جس کے بعد مسلح دہشت گرد وارن وائن اسٹائن کے کمرے تک پہنچے اور اسے اغوا کرکے لے گئے۔ سیکیورٹی گارڈز نے پولیس کو بیان دیا تھا کہ دہشت گردوں نے وارن وائن اسٹائن کو معمولی زخمی بھی کیا تھا اور بعدازاں فون پر کسی کو گاڑی لانے کا کہا تھا۔ واقعے کا مقدمہ تھانہ ماڈل ٹاون میں اس وقت کے ایس ایچ او کے بیان پر درج ہوا تھا۔ پولیس نے سیکیورٹی گارڈ کو حراست میں لیکر امریکی شہری کی بازیابی کیلیے ٹیمیں تشکیل دی تھیں تاہم اس مقدمہ میں کوئی پیش رفت نہ ہوسکی پولیس اپنے روایتی بیانات سے کام لیتی رہی۔کچھ عرصہ قبل وارن وائن اسٹائن کی وڈیوز جاری کی گئی جس سے ثابت ہوگیا کہ وہ طالبان کی قیدمیں ہیں،وارن وائن اسٹائن کے خدوخال میں واضح تبدیلی آچکی ہے،اغوا کے وقت وہ کلین شیو تھے جبکہ وڈیوز میں ان کے چہرے پر داڑھی تھی اور وہ پہلے سے کمزور نظر آئے۔پولیس ذرائع کا کہنا ہے کہ طالبان کی قید میں موجود وارن وائن سٹائن کی بازیابی کا واحد راستہ مذاکرات ہیں،پولیس اس مقدمے میں کچھ نہیں کرسکتی۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔