پاکستان ایکسپریس کو دوبارہ بحال کردیا گیا

دعا عباس  جمعـء 23 دسمبر 2022
فوٹو:فائل

فوٹو:فائل

  کراچی: ریلوے نے سیلابی صورتحال کے باعث معطل ہونے والی پاکستان ایکسپریس کو دوبارہ بحال کردیاہے۔ 

پاکستان ریلوے کے زیر اہتمام بحال کی جانے والی پاکستان ایکسپریس میں 1208 مسافروں کی گنجائش موجود ہے،یہ ٹرین 2 اے سی بزنس اور 4 اے سی لوورز اور 2 اکانومی اسٹنڈرز پر مشتمل ہے،بحال ہونے کے بعد پاکستان ایکسپریس کراچی سے راولپنڈی کے لیئے براستہ فیصل آباد روانہ کی گئی۔

ترجمان ریلوے کے مطابق مسافروں کی تحفظ کے لیئے ٹرین کو معطل کیا گیا لیکن انتظامیہ اور ریلوے حکام کی جانب سے ٹریک کا جائزہ لینے کے بعد اس ٹرین کو بحال کردیا گیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔