سندھ کے پچاس کرپٹ افسران کے خلاف کارروائی کا فیصلہ

کراچی: چیف سیکریٹری کی منظوری کے بعد سندھ حکومت نے 50 کرپٹ افسران کے خلاف کارروائی کا فیصلہ کیا ہے۔

ایکسپریس نیوز کو موصول ہونے والے تفصیلات کے مطابق چیف سیکریٹری سندھ سہیل راجپوت کی زیر صدارت ہونے والے اجلاس میں 50 کرپٹ افسران کے خلاف تحقیقات کی منظوری دی گئی ہے۔

اجلاس میں نیو سندھ سیکریٹریٹ منصوبے میں کرپشن اور سیسی کے مختلف منصوبوں میں کرپشن میں ملوث افسران کے خلاف ایف آئی آر درج کرانے کی منظوری دی گئی ہے۔

سیٹھارجہ، سوبھو دیرو اور چونڈ کو میں 40 ہزار گندم کی بوریاں غائب ہونے پر سابق ڈپٹی ڈائریکٹر خوراک نصر اللہ چانڈیو ، سابق ڈی ایف سی خیرپور عرفان جوکھیو کے خلاف اوپن انکوائری جبکہ  فوڈ انسپیکٹر مختیار ہیسبانی اور ارشاد کلہوڑو کے خلاف کرپشن انکوائری کی منظوری دی گئی۔

حیدرآباد میں غیر قانونی تعمیرات میں ملوث ایس بی سی اے کے سابق ریجنل ڈاریکٹر نوید عاصم کے خلاف بھی تحقیقات کا آغاز کیا جائے گا۔

ایس بی سی اے ریجنل ڈائریکٹر حیدرآباد عبدالحمید زرداری اور  سابق ڈپٹی ڈاریکٹرز عمران حسین خان کے خلاف بھی کارروائی کا آغاز ہو گا۔