پاکستان بزنس فورم نے 2022کو معاشی طور پربدترین سال قرار دیدیا

این این آئی  جمعرات 29 دسمبر 2022
معاشی پالیسیوں کا تسلسل ملک کیلیے ناگزیر ہوچکا، نائب صدر چوہدری احمد جواد۔ فوٹو: فیس بک

معاشی پالیسیوں کا تسلسل ملک کیلیے ناگزیر ہوچکا، نائب صدر چوہدری احمد جواد۔ فوٹو: فیس بک

اسلام آباد: پاکستان بزنس فورم نے 2022کو معاشی طور پربدترین سال قرار دیدیا۔

پاکستان بزنس فورم نے 2022کو معاشی طور پر بدترین سال قرار دیتے ہوئے کہا ہے کہ حکومت کو اصلاحات کے ساتھ ریلیف اور بحالی کی ضروریات کو پورا کرنے میں توازن برقرار رکھنا ہوگا۔

پاکستان بزنس فورم کے نائب صدر چوہدری احمد جواد نے کہاہے کہ معاشی پالیسیوں کا تسلسل ملک کیلیے ناگزیر ہوچکا ہے۔ رواں مالی سال معیشت کی شرح نمو صرف 2 فیصد رہنے کی توقع ہے، پاکستان کو مالی سال 2023میں 26بلین ڈالر سے زائد کا غیر ملکی قرضہ واپس کرنا ہے۔

بزنس فورم کی جانب سے کہا گیا کہ2022میں روپیہ ایک ڈالر کے مقابلے میں 49.30روپے تک گرا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔