06 سالہ بچہ پُراسرار طور پر جاں بحق، جسم پر تشدد کے نشانات

ویب ڈیسک  اتوار 8 جنوری 2023
لاش کو پوسٹ مارٹم کے لیے مردہ خانے منتقل کردیا گیا (فوٹو: فائل)

لاش کو پوسٹ مارٹم کے لیے مردہ خانے منتقل کردیا گیا (فوٹو: فائل)

لاہور کے علاقے کاہنہ میں 06 سالہ بچہ پراسرار طور پر جاں بحق گیا۔

ایکسپریس نیوز کے مطابق سوتیلی ماں نے پولیس کو دیئے گئے بیان میں کہا ہے کہ 6 سالہ عمر واش روم میں گر کر جان کی بازی ہار گیا۔

پولیس کا کہنا ہے کہ بچے کی لاش واش سے بر آمد ہوئی ہے جبکہ جسم پر تشدد کے نشانات موجود ہیں، واقعے کی تحقیقات کررہے ہیں تاہم عمر کی لاش کو پوسٹ مارٹم کے لیے مردہ خانے منتقل کردیا گیا ہے جس کے بعد موت کی وجوہات کا تعین کیا جا سکے گا۔

06 سالہ بچے کے مبینہ طور پر واش روم میں گر کر جاں بحق ہونے کے معاملے پر سی سی پی او غلام محمود ڈوگر نے نوٹس لیتے ہوئے ایس پی ماڈل ٹاؤن سے رپورٹ طلب کرلی ہے۔

سی سی پی او لاہور کاحادثہ اور قتل سمیت واقعہ کی مکمل پہلوؤں سے تحقیقات کا حکم دیتے ہوئے میڈیکل رپورٹ اور شواہد کی روشنی میں موت کی وجوہات کا تعین کرنے کا حکم دیا ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔