مظفرگڑھ میں غیرت کے نام پر نوجوان کی ناک کاٹ دی گئی

ویب ڈیسک  اتوار 8 جنوری 2023
فوٹو اسکرین گریپ

فوٹو اسکرین گریپ

پنجاب کے علاقے مظفر گڑھ میں غیرت کے نام پر نوجوان کی ناک کاٹ دی گئی۔

ایکسپریس نیوز کے مطابق مظفر گڑھ کے تھانہ خیرپور سادات کی حدود میں واقعہ علاقے علی پور میں انسانیت سوز واقعہ پیش آیا جہاں غیرت کے نام پر نوجوان کی ناک کاٹ دی گئی۔

پولیس نے زخمی بھائی کی مدعیت میں مقدمہ درج کر کے دو ملزمان کو گرفتار کرلیا۔ ایف آئی آر کے متن میں لکھا گیا ہے کہ نوجوان کو اغوا کے بعد نامعلوم مقام پر لے جا کر بہیمانہ تشدد کا نشانہ بنایا گیا اور پھر اُس کی ناک کاٹ دی گئی۔

پولیس کے مطابق زخمی نوجوان مظفر گڑھ کے سرکاری اسپتال میں زیر علاج ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔