روہت شیٹی زخمی حالت میں شوٹنگ کیلئے سیٹ پر پہنچ گئے

ویب ڈیسک  پير 9 جنوری 2023
(فوٹو : اسکرین شاٹ)

(فوٹو : اسکرین شاٹ)

بھارتی حیدرآباد: بھارتی ہدایتکار روہت شیٹی زخمی حالت میں فلم کی شوٹنگ کیلئے سیٹ پر پہنچ گئے۔

بالی ووڈ کے نوجوان اداکار سدھارتھ ملہواترا نے اپنے آفیشل انسٹاگرام اکاؤنٹ سے ہدایتکار روہت شیٹی کے ساتھ ویڈیو شیئر کی ہے جو سوشل میڈیا پر وائرل ہو رہی ہے۔

ویڈیو میں دیکھا جا سکتا ہے کہ روہت شیٹی کے ہاتھ پر پٹی بندھی ہوئی ہے ویڈیو میں سدھارتھ بتاتے نظر آرہے ہیں کہ روہت ایک کار اسٹنٹ کے دوران زخمی ہوگئے تھے جس کے بعد انہیں اسپتال منتقل کیا گیا اور وہ 12 گھنٹے سے بھی کم وقت میں واپس شوٹنگ پر پہنچ گئے ہیں اور فلم کریو بھی یہاں موجود ہے۔

سدھارتھ نے ویڈیو کے کیپشن میں لکھا کہ’ہم سب روہت شیٹی کی اسٹنٹ اور ایکشن سے محبت اور جنون کو جانتے ہیں وہ ایک ایکشن سین پرفارم کرتے ہوئے زخمی ہوگئے تھے مگر وہ ایک معمولی سرکری کے بعد 12 گھنٹے سے بھی کم وقت میں سیٹ پر واپس آگئے ہیں‘۔

میڈیا رپورٹس کے مطابق روہت شیٹی گزشتہ دنوں حیدرآباد میں اپنی آنے والی ویب سیریز ’انڈین پولیس فورس‘ کی شوٹنگ کے دوران ایک ایکشن سین  فلماتے ہوئے زخمی ہوئے تھے۔


یاد رہے کہ مذکورہ ویب سیریز میں سدھارتھ ملہوترا، وویک اوبرائے اور شلپا شیٹی مرکزی کردار ادا کرتے نظر آئیں گے۔

 

 

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔