سندھ میں گیس کا نیا ذخیرہ دریافت

  کراچی: سندھ میں ماڑی غازی جے-1 میں گیس کا نیا ذخیرہ دریافت کر لیا گیا۔

ماڑی پیٹرولیم کے مطابق گیس کی دریافت ضلع گھوٹکی میں واقع ماڑی ڈی بلاک میں ہوئی، ذخائر میں گیس کے بہاؤ کی شرح 5.1 ملین معیاری کیوبک فٹ ہے۔

ماڑی غازی جے 1 کی تلاش کے لیے کنویں پر 24 نومبر 2022 کو کام کا آغاز کیا گیا۔

ماڑی غازی جے ون پر 1015 میٹر کی گہرائی تک ڈرلنگ کی گئی، نئی دریافت سے ملک کے ہائیڈرو کاربن ذخائر کی بنیاد میں اضافہ ہوگا۔