لڑکی موٹی ہے لہٰذا جہیز بھی اسی حساب سے لوں گا، بھارتی دلہے کا لڑکی کے والدین سے مطالبہ

حیدر آباد دکن: بھارت میں لڑکی والوں سے منہ مانگا جہیز طلب کیا جاتا ہے اس کا تو پوری دنیا کو علم ہے لیکن ایک دلہا صاحب نے تو دلہن موٹی ہونے پر جہیز کی طے شدہ رقم میں ہی اضافے کا مطالبہ کر ڈالا۔

بھارتی میڈیا رپورٹس کے مطابق بھارتی شہر حیدرآباد کے وکرم نائڈو کا ایک لڑکی سے رشتہ طے ہوا اس کے ساتھ ہی دونوں خاندانوں کے درمیان یہ بھی طے پایا کہ لڑکی والے اپنی بیٹی کو جہیز میں 10 لاکھ روہے کی رقم دیں گے،۔معاملات طے ہونے کے بعد لڑکی والوں نے اپنے بیٹی کے ہاتھ پیلے کرنے کی تیاریاں شروع کردیں اور ایک دن لڑکے کی جانب سے کی گئی ایک کال نے ان بےچاروں کی ساری خوشیاں پر ہی پانی پھیر دیا۔

وکرم نائڈو نے اپنی ہونے والی دلہن کو فون کرکے کہا کہ وہ بہت موٹی ہے اس لئے وہ اس سے شادی نہیں کرسکتا ہاں اگر جہیز کی رقم 10 سے بڑھا کر 15 لاکھ کردی جائے تو یہ شادی ممکن ہے دوسری صورت میں اس کے لئے لڑکیوں کی کمی نہیں۔

لڑکی والوں نے معاملے کو سلجھانے کے لئے مقامی سیاسی رہنماؤں کو بیچ میں ڈالاجس کے بعد یہ مقامی رہنما پولیس ا سٹیشن بھی گئے لیکن  تھانیدار نے ان ایک نہ سنی اور تھانے سے ہی نکال دیا۔