شہر میں یخ بستہ شمال مشرقی (بلوچستان) کی ہوائیں چل پڑی ہیں جس کے باعث سردی کی لہر 17 جنوری تک برقرار رہ سکتی ہے۔

محکمہ موسمیات کے مطابق ہواؤں کی زیادہ سے زیادہ رفتار 22 کلو میٹر فی گھنٹہ ریکارڈ ہو رہی ہیں جبکہ آج ہواؤں کی رفتار 50 کلومیٹر فی گھنٹہ تک تجاوز کرسکتی ہیں۔

شہر میں سمندر کی جنوب مغربی سمت کی ہوائیں مکمل طور پر غیر فعال ہیں۔

موجودہ سردی کی لہر کے دوران کراچی میں پارہ 5 ڈگری جبکہ دیہی سندھ میں کم سے کم 3 ڈگری تک ریکارڈ ہوسکتا ہے۔ کراچی کا آج کم سے کم درجہ حرارت 16.5 ڈگری ریکارڈ ہوا۔

کراچی میں آج صبح کے وقت دھند کے سبب حدنگاہ متاثر رہی، دھند کی وجہ سے حد نگاہ کم ہوکر ایک کلو میٹر رہ گئی تھی۔