تیسرا ون ڈے؛ امام الحق انجری کا شکار، شان مسعود پلئینگ الیون میں شامل

قومی ٹیم کے اوپنر امام الحق ایک بارپھر ہیمسٹرنگ انجری کا شکار ہو کر تیسرے ون ڈے میچ سے باہر ہوگئے۔

ذرائع کے مطابق انجری کا شکار ہونے والے اوپنر امام الحق کی جگہ نائب کپتان شان مسعود کو نیوزی لینڈ کے خلاف قومی ٹیم میں موقع دیا جائے گا۔
اوپنر امام الحق کو ڈاکٹرز نے کرکٹ سرگرمیوں سے دور رہتے ہوئے 7 دن آرام کرنے کا مشورہ دیا ہے۔

پاکستان اور نیوزی لینڈ کے درمیان تین میچوں پر مشتمل سیریز 1-1 سے برابر ہے، فیصلہ کن معرکہ پاکستانی وقت کے مطابق دوپہر 2 بجے شروع ہوگا۔

مزید پڑھیں: نائب کپتان شان مسعود کھیلیں گے یا نہیں، بابراعظم کا بڑا بیان سامنے آگیا

واضح رہے کہ نائب کپتان کا عہدہ سنبھالنے کے بعد شان مسعود پہلی بار آج ایکشن میں دکھائی دیں گے۔

نیوزی لینڈ کے خلاف پہلے اور دوسرے ون ڈے میں شان مسعود کو پلئینگ الیون کا حصہ نہیں بنایا گیا تھا جبکہ کپتان بابراعظم شان کو نائب کپتان بنانے کے فیصلے سے لاعلم تھے۔