نیپال طیارہ حادثہ میں ہلاک مسافر کی فیس بک لائیو ویڈیو وائرل

کھٹمنڈو: نیپال طیارہ حادثے میں 72 میں سے 68 افراد کی لاشیں مل گئی ہیں جب کہ ایک مسافر کی لائیو فیس بک ویڈیو بھی منظر عام پر آگئی جس میں طیارہ گرنے اور اس میں خوفناک آگ بھڑکنے کے ہولناک لمحات بھی عکس بند ہوگئے۔ 

عالمی خبر رساں ادارے کے مطابق نیپال کے طیارے کا ایک بدقسمت مسافر حادثے کے وقت فیس بک لائیو تھا اور اپنی منزل مقصود کے قریب پہنچنے پر خوش گوار احساسات کا اظہار کررہا تھا۔

اسی دوران اچانک طیارہ زمین بوس ہوجاتا ہے اور اس میں خوفناک آگ بھڑک اُٹھتی ہے۔ یہ ہولناک مناظر اور دل سوز چیخ و پکار فیس بک لائیو ویڈیو میں محفوظ ہوگئی۔

یہ خبر بھی پڑھیں : نیپال میں مسافر طیارہ گرکر تباہ، 68 افراد ہلاک 

طیارے میں لینڈنگ سے قبل آگ لگنے اور پھر زمین بوس ہونے کی ویڈیو بھی منظر عام پر آگئی