امیتابھ کی اہلیہ جیا بچن فوٹوگرافر پر برس پڑیں، ویڈیو وائرل

اندور: بالی وڈ کے لیجنڈری اداکار امیتابھ بچن کی اہلیہ جیا بچن فوٹوگرافر پر برس پڑیں جس کی ویڈیو سوشل میڈیا پر وائرل ہوگئی۔

اندور کے ائرپورٹ پر یہ واقعہ پیش آیا جہاں اداکارہ جیا بچن اپنے شوہر امیتابھ بچن کے ساتھ پہنچی تھیں۔

ویڈیو میں دیکھا جاسکتا ہے کہ وہ فوٹوگرافر کو فوٹو کھینچنے سے منع کرتی ہیں اور ناراض ہوجاتی ہیں۔

View this post on Instagram

A post shared by @varindertchawla

اس موقع پر جیا بچن کو یہ کہتے ہوئے سنا جاسکتا ہے کہ ’ایسے لوگوں کو نوکری سے نکال دینا چاہئے‘۔

سیکورٹی پر موجود افراد بھی فوٹوگرافروں کو تصاویر نہ کھینچنے کا کہتے ہیں اور انہیں دھکیل کر دور کردیتے ہیں۔

یہ پہلا موقع نہیں ہے جب جیا بچن فوٹوگرافروں  پر ناراض ہوئی ہیں، پچھلے برس بھی انہوں نے فوٹو کھینچنے والوں کو کھری کھری سنائی تھیں۔

جیا بچن اپنے اگلے پروجیکٹ میں کرن جوہر کی فلم ’روکی اور رانی کی پریم کہانی‘ میں نظر آئیں گی۔