انٹر بینک میں ڈالر 25 پیسے اضافے کے بعد 228.90روپے کا ہوگیا

بزنس رپورٹر  بدھ 18 جنوری 2023
فائل: فوٹو

فائل: فوٹو

  کراچی: انٹربینک مارکیٹ میں کاروباری دورانئیے کے اختتام پر  ڈیمانڈ گھٹنے سے ڈالر کے انٹربینک ریٹ 25پیسے کے اضافے سے 228.90روپے کی سطح پر بند ہوئے۔

ٹریڈنگ کے دوران ڈالر کی قدر ایک موقع پر 41پیسے کے اضافے سے 229روپے سے بھی تجاوز کرگئی تھی، اوپن کرنسی مارکیٹ میں بھی ڈالر کی قدر 25پیسے کے اضافے سے 239روپے کی سطح پر بند ہوئی۔

معاشی تجزیہ کاروں کے مطابق آئی ایم ایف کی جانب سے قرض پروگرام کی بحالی کو مطلوبہ شرائط پر عمل درآمد سے مشروط کرنے کے واضح پیغام, منفی معاشی اشاریوں اور تجارت وصنعتی شعبوں میں مایوسی بڑھنے جیسے عوامل کے باعث بدھ کو بھی ڈالر کی پیشقدمی جاری رہی۔

ماہرین کے مطابق ترسیلات زر میں کمی, سیاسی افق پر غیریقینی فضاء اور یومیہ بنیادوں پر معیشت کو درپیش چیلنجز کی وجہ سے ڈالر کے اوپن ریٹ میں اضافہ ہوا۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔