- پولیس سرپرستی میں اسمگلنگ کی کوشش؛ سندھ کے سابق وزیر کی گاڑی سے اسلحہ برآمد
- ساحل پر گم ہوجانے والی ہیرے کی انگوٹھی معجزانہ طور پر مل گئی
- آئی ایم ایف بورڈ کا شیڈول جاری، پاکستان کا اقتصادی جائزہ شامل نہیں
- رشتہ سے انکار پر تیزاب پھینک کر قتل کرنے کے ملزم کو عمر قید کی سزا
- کراچی؛ دو بچے تالاب میں ڈوب کر جاں بحق
- ججوں کے خط کا معاملہ، اسلام آباد ہائیکورٹ نے تمام ججوں سے تجاویز طلب کرلیں
- خیبرپختونخوا میں بارشوں سے 36 افراد جاں بحق، 46 زخمی ہوئے، پی ڈی ایم اے
- انٹربینک میں ڈالر کی قدر میں تنزلی، اوپن مارکیٹ میں معمولی اضافہ
- سونے کے نرخ بڑھنے کا سلسلہ جاری، بدستور بلند ترین سطح پر
- گداگروں کے گروپوں کے درمیان حد بندی کا تنازع؛ بھیکاری عدالت پہنچ گئے
- سائنس دانوں کی سائبورگ کاکروچ کی آزمائش
- ٹائپ 2 ذیا بیطس مختلف قسم کے سرطان کے ساتھ جینیاتی تعلق رکھتی ہے، تحقیق
- وزیراعظم کا اماراتی صدر سے رابطہ، موسمیاتی تبدیلی سے نمٹنے کے لیے مشترکہ اقدامات پر زور
- پارلیمنٹ کی مسجد سے جوتے چوری کا معاملہ؛ اسپیکر قومی اسمبلی نے نوٹس لے لیا
- گزشتہ ہفتے 22 اشیا کی قیمتیں بڑھ گئیں، ادارہ شماریات
- محکمہ موسمیات کی کراچی میں اگلے تین روز موسم گرم و مرطوب رہنے کی پیش گوئی
- بھارت؛ انسٹاگرام ریل بنانے کی خطرناک کوشش نے 21 سالہ نوجوان کی جان لے لی
- قطر کے ایئرپورٹ نے ایک بار پھر دنیا کے بہترین ایئرپورٹ کا ایوارڈ جیت لیا
- اسرائیلی بمباری میں 6 ہزار ماؤں سمیت 10 ہزار خواتین ہلاک ہوچکی ہیں، اقوام متحدہ
- 14 دن کے اندر کے پی اسمبلی اجلاس بلانے اور نومنتخب ممبران سے حلف لینے کا حکم
کراچی: لانڈھی میں گھر میں گھس کر شہری کا قتل، نیوکراچی میں شوہر نے بیوی کو ماردیا
کراچی: لانڈھی میں ملزمان نے گھر میں گھس کر سوئے ہوئے شخص کو فائرنگ کرکے قتل کردیا، نیو کراچی میں شوہر نے گھریلو تنازع پر بیوی کو سرپر وزنی چیز مار کر قتل کردیا۔
ایکسپریس نیوز کے مطابق سکھن کے علاقے لانڈھی لالہ آباد ایریا ون سی کچی آبادی بسم اللہ مسجد کے قریب گھر میں فائرنگ سے ایک شخص جاں بحق ہوگیا، مقتول کی لاش چھیپا ایمبولینس کے ذریعے جناح اسپتال منتقل کی گئی۔
ترجمان کراچی پولیس کے مطابق جاں بحق ہونے والے شخص کی شناخت 40 سالہ عطاء اللہ ولد بہادر علی کے نام سے کی گئی، ابتدائی تحقیقات کے مطابق واقعہ ذاتی دشمنی کا نتیجہ ہے تاہم پولیس تحقیقات کر رہی ہے۔
مقتول کی اہلیہ کے کزن مبشر نے ایکسپریس کو بتایا کہ جاں بحق ہونے والا عطا اللہ 4 بچوں ایک لڑکی اور 3 لڑکو کا باپ تھا، آبائی تعلق اندرون سندھ پنوعاقل سے تھا، انڈس سیکیورٹی کمپنی میں بطور سیکیورٹی گارڈ ملازم تھا۔
مقتول کے کزن نے بتایا کہ عطا اللہ کچھ روز قبل اپنے بیوی بچوں کے ہمراہ پنو عاقل گیا تھا اور بدھ کی صبح تقریباً 6 بجے گاؤں سے واپس کراچی آیا تھا، مقتول دن کو تین بجے ڈیوٹی پر کورنگی میں واقعے انڈس اسپتال گیا تھا جہاں سے رات ساڑھے گیارہ بجے واپس آیا اور بیوی بچوں اور ساس کے ساتھ کھانا کھا کر رات کو تقریباً ایک بجے کے قریب سوگیا ، دو سے تین بجے کے درمیان نامعلوم افراد نے گھر میں گھس کر اسے سوتے میں فائرنگ کر کے ہلاک کیا اور فرار ہوگئے، نہیں معلوم کہ مقتول کی کسی سے کوئی دشمنی تھی۔
پولیس نے ضابطے کی کارروائی کے بعد مقتول عطا اللہ کی لاش تجہیز و تکفین کے لیے ورثا کے حوالے کر دی۔
شوہر نے بیوی کو سر پر وزنی چیز مار کر قتل کردیا
دریں اثنا نیو کراچی کے علاقے بلال کالونی میں بے شوہر نے گھریلو تنازع پر بیوی کو سر پر وزنی چیز مار کر قتل کردیا۔ ایس ایچ او بلال کالونی آفتاب عباسی کے مطابق سیکٹر فائیو جے میں قائم طلحہ مسجد کے قریب گھر میں محمد دلاور نامی شخص نے 25 سالہ بیوی انعم کو سر پر وزنی چیز مارکر قتل کیا اور فرار ہوگیا۔
ایس ایچ او کے مطابق ملزم کی گرفتاری کے لیے چھاپے مارے جارہے ہیں، ملزم کئی عرصے سے بے روز گار تھا، ملزم نے انعم سے 7 سال قبل شادی کی تھی، مقتولہ بے اولاد تھی جبکہ میکے اور سسرال والے ملزم کو بے روزگاری کے طعنے دیتے تھے جس پر میاں بیوی میں اکثر و بیشتر جھگڑے رہتے تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔