- سندھ ہائیکورٹ میں جج اور سینئر وکیل میں تلخ جملوں کا تبادلہ
- عدلیہ میں خفیہ اداروں کی مبینہ مداخلت، حکومت کا انکوائری کمیشن بنانے کا فیصلہ
- زرمبادلہ کے سرکاری ذخائر 8 ارب ڈالر کی سطح پر مستحکم
- پی ٹی آئی کا عدلیہ کی آزادی اور عمران خان کی رہائی کیلیے پشاور میں ریلی کا اعلان
- اسلام آباد اور خیبر پختون خوا میں زلزلے کے جھٹکے
- حافظ نعیم کی کامیابی کا نوٹیفکیشن جاری نہ کرنے پر الیکشن کمیشن کو نوٹس
- خیبر پختونخوا کے تعلیمی اداروں میں موسم بہار کی تعطیلات کا اعلان
- اسپیکر کے پی اسمبلی کو مخصوص نشستوں پر منتخب اراکین سے حلف لینے کا حکم
- امریکا میں چاقو بردار شخص کے حملے میں 4 افراد ہلاک اور 5 زخمی
- آئی پی ایل؛ ’’پریتی زنٹا نے مجھے اپنے ہاتھوں سے پراٹھے بناکر کھلائے‘‘
- اسلام آباد میں ویزا آفس آنے والی خاتون کے ساتھ زیادتی
- اڈیالہ جیل میں عمران خان سمیت قیدیوں سے ملاقات پر دو ہفتے کی پابندی ختم
- توانائی کے بحران سے نمٹنے میں پاکستان کی مدد کرنا ترجیح میں شامل ہے، امریکا
- ہائیکورٹ کے ججزکا خط، چیف جسٹس سے وزیراعظم کی ملاقات
- وزیر اعلیٰ پنجاب کا مسیحی ملازمین کیلیے گڈ فرائیڈے اور ایسٹر بونس کا اعلان
- سونے کی عالمی ومقامی قیمتوں میں اضافہ
- بلوچستان : بی ایل اے کے دہشت گردوں کا غیر ملکی اسلحہ استعمال کرنے کا انکشاف
- سینئر وزیر سندھ شرجیل میمن کی زیرصدارت محکمہ ٹرانسپورٹ کا اعلیٰ سطح اجلاس
- قومی ٹیم کی کوچنگ؛ جیسن گلیسپی نے اہم فیصلہ کرلیا
- پشاور؛ صوبائی وزیر و دیگر کے نام ای سی ایل سے نکالنے کیلیے حکومت سے جواب طلب
صوبے میں چائینیز کی سیکیورٹی اقدامات کو مزید سخت بنایا جائے، غلام نبی میمن
کراچی: آئی جی سندھ غلام نبی میمن کی زیر صدارت سینٹرل پولیس آفس میں اجلاس میں امن وامان کی مجموعی صورتحال سمیت سی پیک اور نان سی پیک و دیگر چائینیز باشندگان کی سیکیورٹی اور اس سے متعلق تمام تر ضروری اقدامات کا جائزہ لیا گیا۔
اس موقع پر آئی جی سندھ نے کہا کہ سندھ میں جاری سی پیک و نان سی پیک و دیگر منصوبوں سے چائنیز ماہرین اور باشندگان کی ایک کثیر تعداد وابستہ ہے اس لیے پولیس سندھ میں چائینیز باشندگان کی آمد و روانگی سمیت صوبے میں ان کی حرکت و نقل اور رہائشی مقامات سے متعلق آگاہی حاصل کرے اور ان کے اسپانسرز کو بھی چائنا قونصل خانے سے مسلسل روابط میں رہنا چاہیے۔
انہوں نے کہا کہ نان سی پیک منصوبے سے وابستہ چائینیز کی سیکیورٹی کے حوالے سے پولیس اور متعلقہ اسٹیک ہولڈرز کے مابین روابط کو بھی اہمیت دی جائے۔ اجلاس کے دوران ڈی آئی جی ایس پی یو سی پیک نے سندھ میں جاری سی پیک و نان سی پیک سمیت دیگر منصوبوں کی تعداد اور ان سے وابستہ چائینیزکے سیکیورٹی اقدامات پر تفصیلی بریفنگ دی۔
جس پر آئی جی سندھ نے ہدایات دیں کہ مذکورہ جملہ مقامات و لوکیشنز پر سی سی ٹی وی کیمراز کی تنصیب اور وقتاً فوقتاً ان پر چیک رکھنے کے ساتھ ساتھ سیکیورٹی فرائض پر مامور افسران و جوانوں کی بریفنگ اور انہیں ہمہ وقت مستعد، الرٹ اور تیار رکھنے جیسے اقدامات کو بھی یقینی بنایا جائے۔
آئی جی سندھ نے کہا کہ صوبے میں سی پیک و نان سی پیک پروجیکٹ پر کام کرنیوالے چائینیز کی سیکیورٹی کے حوالے سے مرتب کردہ سیکیورٹی پلان پر عمل درآمد ترجیحی بنیادوں پر ممکن بنایا جائے اور اس ضمن میں تمام اسٹیک ہولڈرز ہر سطح پر پولیس کے ساتھ تعاون کرے۔
آئی جی سندھ نے ہدایات دیں کہ سندھ میں مختلف پروجیکٹس کی تکمیل میں مصروف چائینیز ماہرین و اسٹاف کے سفر ، نقل و حرکت کو محفوظ بنایا جائے اور اس سلسلے میں متعلقہ زون ، رینج اور اضلاع باہم روابط میں رہنے کے ساتھ ساتھ موٹر وے پولیس سے بھی وقتاً فوقتاً اجلاس جیسے اقدامات کو ممکن بنائیں۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔