- پنجاب گرمی کی لپیٹ میں، آج اور کل گرج چمک کیساتھ بارش کا امکان
- لاہور میں بچے کو زنجیر سے باندھ کر تشدد کرنے کی ویڈیو وائرل، ملزمان گرفتار
- پشاور؛ بس سے 2 ہزار کلو سے زیادہ مضر صحت گوشت و دیگر اشیا برآمد
- وزیراعلیٰ پنجاب نے نوازشریف کسان کارڈ کی منظوری دے دی
- بھارتی فوجی نے کلکتہ ایئرپورٹ پر خود کو گولی مار کر خودکشی کرلی
- چائلڈ میرج اور تعلیم کا حق
- بلوچستان؛ ایف آئی اے کا کریک ڈاؤن، بڑی تعداد میں جعلی ادویات برآمد
- قومی ٹیم کی کپتانی! حتمی فیصلہ آج متوقع
- پی ایس 80 دادو کے ضمنی انتخاب میں پی پی امیدوار بلامقابلہ کامیاب
- کپتان کی تبدیلی کیلئے چیئرمین پی سی بی کی زیر صدارت اہم اجلاس
- پاکستان کو کم از کم 3 سال کا نیا آئی ایم ایف پروگرام درکار ہے، وزیر خزانہ
- پاک آئرلینڈ ٹی20 سیریز؛ شیڈول کا اعلان ہوگیا
- برج خلیفہ کے رہائشیوں کیلیے سحر و افطار کے 3 مختلف اوقات
- روس کا جنگی طیارہ سمندر میں گر کر تباہ
- ہفتے میں دو بار ورزش بے خوابی کے خطرات کم کرسکتی ہے، تحقیق
- آسٹریلیا کے انوکھے دوستوں کی جوڑی ٹوٹ گئی
- ملکی وے کہکشاں کے درمیان موجود بلیک ہول کی نئی تصویر جاری
- کپتان کی تبدیلی کے آثار مزید نمایاں ہونے لگے
- قیادت میں ممکنہ تبدیلی؛ بورڈ نے شاہین کو تاحال اعتماد میں نہیں لیا
- ایچ بی ایف سی کا چیلنجنگ معاشی ماحول میں ریکارڈ مالیاتی نتائج کا حصول
جماعت اسلامی نے میئر کراچی کیلیے مسلم لیگ (ن) سے حمایت مانگ لی
کراچی: جماعت اسلامی نے کراچی کی میئرشپ کے لیے مسلم لیگ (ن) سے حمایت مانگ لی، حافظ نعیم الرحمان نے کہا ہے کہ 6 یونین کونسلز میں دوبارہ گنتی کی درخواست الیکشن کمیشن میں دائر کی ہے جس کا فیصلہ آنے کے بعد پیپلزپارٹی سے میئرشپ کے حوالے سے بات کی جائے گی۔
ایکسپریس نیوز کے مطابق امیرجماعت اسلامی کراچی حافظ نعیم الرحمن کی قیادت میں جماعت اسلامی کے وفد نے مسلم لیگ ن کے صوبائی صدر شاہ محمد شاہ سے صوبائی سیکرٹیریٹ میں ملاقات کی، جس میں کراچی کی تعمیر وترقی اور مسائل کے حل کے حوالے سے باہم مل کرکام کرنے کے حوالے سے تفصیلی تبادلۂ خیال کیا گیا۔
حافظ نعیم الرحمان نے شاہ محمد شاہ سے درخواست کی کہ کراچی کے مسائل حل کرنے کے لیے باقی تمام پارٹیوں سے متحد ہوکر کام کرنے حوالے سے بات چیت کریں، شاہ محمد شاہ نے اس موقع پر یقین دہانی کروائی کہ مسلم لیگ کی مقامی قیادت تمام پارٹیوں کو متحد کرنے کے لیے رابطے کرے گی۔
بعد ازاں حافظ نعیم الرحمان نے مسلم لیگ ن کے رہنماؤں کے ہمراہ میڈیا سے گفتگو کرتے ہوئے کہاکہ ہم مسلم لیگ ن کے صوبائی سیکرٹریٹ میں شاہ محمد شاہ سے ملنے آئے ہیں اور ہم نے گزارش کی ہے کہ مسلم لیگ ن جماعت اسلامی کے ساتھ مل کر شہر کی تعمیر وترقی کے لیے کام کرے اور باقی تمام پارٹیوں سے بھی کراچی کے مسائل حل کرنے کے لیے متحد ہونے کے لیے رابطہ کرے۔
انہوں نے کہا کہ ہمیں امید ہے کہ شاہ محمد شاہ شہرکی بہتری میں اپنا کردار اد ا کریں گے، بلدیاتی انتخابات بہت مشکل سے منعقد ہوئے جس کے نتائج میں تمام ہی پارٹیوں کو تحفظات ہیں لیکن فی الحال مل جل کر شہر کی بہتری کے لیے مل کر کام کرنے کی ضرورت ہے، بلدیاتی انتخابات کے موقع پر جس طرح تلخی نظر آئی، اگر ایسی ہی صورتحال برقراررہی تو شہر کے مسائل حل نہیں ہوسکیں گے۔
حافظ نعیم الرحمان کا کہنا تھا کہ انتخابات سے قبل ہم ہی نے کراچی کے اختیارات کے حصول کے لیے طویل جدوجہد کی تھی جس کے نتیجے میں جماعت اسلامی اور پیپلزپارٹی کے درمیان ہونے والے معاہدے میں ہمارے مطالبات منظور کرلیے گئے تھے۔ انہوں نے مزید کہا کہ کراچی کا میئر تو جماعت اسلامی کا ہی ہوگا، پیپلزپارٹی سے فی الحال میئر شپ کے حوالے سے کوئی بات نہیں ہوئی ہے، 6 نشستوں کافیصلہ آنے کے بعد ہم بات کریں گے، رزلٹ میں جس کی جو پوزیشن ہوگی اسے قبول کیا جائے گا،ہم نے ری کاؤٹنگ کے لیے الیکشن کمیشن کو تحریری درخواست دے دی ہے اور ہمارامطالبہ ہے کہ الیکشن کمیشن خود اپنی نگرانی میں دوبارہ گنتی کروائے آراوز اور ڈی آراوز کے ذریعے دوبارہ گنتی کسی صورت قبول نہیں کی جائے۔
مسلم لیگ ن کے صوبائی صدر شاہ محمد شاہ نے حافظ نعیم الرحمان و دیگر ذمہ داران کا سندھ سیکرٹریٹ میں خیر مقدم کرتے ہوئے کہاکہ ہماری خواہش ہے کہ ہم سب مل کر کراچی کی بہتری کے لیے کام کریں،مسلم لیگ ن جمہوری جماعت ہے اور جمہوریت پر یقین رکھتی ہے،جماعت اسلامی مبارکباد کی مستحق ہے کہ جس نے کراچی میں بڑی تعداد میں ووٹ حاصل کیے اور ہم جماعت اسلامی کے مینڈیٹ کا احترام کرتے ہیں اور ساتھ مل کر کام کرنا چاہتے ہیں۔ انہوں نے کہا کہ جماعت اسلامی انتہائی منظم جماعت ہے،جس سے ہم نے خود بھی بہت کچھ سیکھا ہے اور مزید بھی ہم ان سے سیکھتے رہیں گے۔
ملاقات میں رکن قومی اسمبلی کھیل داس کوہستانی، ایڈیشنل سکریٹری سندھ چوہدری محمد طارق ودیگر بھی موجود تھے۔ جماعت اسلامی کے وفد میں نائب امراء جماعت اسلامی کراچی ڈاکٹر اسامہ رضی اورمسلم پرویز بھی موجود تھے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔