علیزہ سلطان شوبز انڈسٹری میں قدم رکھنے والی ہیں؟

کراچی: فیروز خان کی سابقہ اہلیہ علیزہ سلطان نے شوبز انڈسٹری میں آنے کی خبروں پر اپنا ردِعمل دے دیا۔

علیزہ سلطان نے شوبز انڈسٹری میں قدم رکھنے سے متعلق افواہوں کی تردید کر تے ہوئے شوبز کا حصہ بننے سے انکار کر دیا ہے۔

عدالت کی گزشتہ سماعت کے بعد میڈیا نے عدالت کے باہر علیزہ سے سوالات کئے جس کے جواب لفظوں میں دینے سے گریز کرتے ہوئے علیزہ مسکراتی ہوئی آگے بڑھ گئیں۔

ایک یوٹیوبر نے علیزہ سے سوال کیا کہ آپ کو بھی 3 کروڑ ہرجانے کا نوٹس ملا ہے آپ کی نجی معلومات بھی فیروز نے وائرل کر دی ہیں اس پر کیا کہیں گی؟ جس پر علیزے صرف مسکرائیں۔

View this post on Instagram

A post shared by Syeda Aliza Sultan (@alizasultankhan)

یوٹیوبر نے شوبز میں قدم رکھنے کے حوالے سے سوال کیا کہ کیا آپ شوبز جوائن کرنے والی ہیں جس پر علیزہ سلطان نے مسکرا کر سر ہلاتے ہوئے اس خبر سے انکار کر دیا۔

خیال رہے کہ ان دنو ں علیزہ سلطان سوشل میڈیا پر ’پی آر‘ کے زریعے فیشن برانڈز کے کپڑے زیب تن کرتی نظر آرہی ہیں جس پر یہ قیاس آرائیاں کی جارہی تھیں کہ اب علیزہ شوبز میں قدم رکھنے والی ہیں۔

View this post on Instagram

A post shared by Syeda Aliza Sultan (@alizasultankhan)

یاد رہے کہ گزشتہ ہفتے اداکار فیروز خان نے سابق اہلیہ سمیت کئی شوبز شخصیات  کو ہرجانے کا نوٹس بھیجتے ہوئے ان کی نجی معلومات سوشل میڈیا پر شیئر کر دی تھیں  جس کے بعد ان کی جانب سے بھی فیروز خان کو نجی معلومات وائرل کرنے پر قانونی نوٹس بھیجے گئے ہیں۔