ایوینجرزاسٹار جیریمی رینر کی 30 سے زائد ہڈیاں ٹوٹ گئیں

نیویارک: مارول ایوینجرز فلموں میں ہاکی کا کردار ادا کرنے والے اداکار جیریمی رینر کا کہنا ہے کہ برفانی طوفان کے دوران حادثے زخمی ہونے سے ان کی 30 سے ​​زائد ہڈیاں ٹوٹ گئیں۔

اداکار نے ٹوئٹر پر فزیوتھراپی کے دوران لی گئی ایک تصویر شیئر کرتے ہوئے اپنے چاہنے والوں کا شکریہ ادا کیا اور بتایا کہ اس حادثے میں ان کی 30 سے زائد ہڈیاں ٹوٹ گئیں تھیں۔

جریمی رینر نے لکھا  کہ ’میں ان کے پیغامات اور فکرمندی کے لئے سب کا شکریہ ادا کرنا چاہتا ہوں۔ آپ سب کے لیے بہت پیار اور تعریف۔ یہ 30 سے ​​زائد ٹوٹی ہوئی ہڈیاں ٹھیک ہو جائیں گی‘۔

I want to thank EVERYONE for their messages and thoughtfulness. Much love and appreciation to you all. These 30 plus broken bones will mend , grow stronger, just like the love and bond with family and friends deepens pic.twitter.com/kzj2CLYdXA

— Jeremy Renner (@JeremyRenner) January 21, 2023

پوسٹ میں شیئر کی گئی تصویر میں دیکھا جا سکتا ہے کہ اداکار اسپتال کے بستر پر لیٹے ہوئے ہیں اور ان کی فیزیوتھراپی کی جارہی ہے۔

یاد رہے کہ 51 سالہ رینر گزشتہ ماہ نیو اڈا میں اپنے گھر کے باہر برف میں پھنسی ایک گاڑی کو نکالنے کے دوران حادثے کا شکار ہوکر شدید زخمی ہوگئے تھے جس کے بعد انہیں ائیر ایمبولینس کے زریعے اسپتال منتقل کیا  گیا تھا۔

A “not no great” ICU DAY, turned to amazing spa day with my sis and mama❤️. Thank you sooooo much pic.twitter.com/pvu1aWeEXY

— Jeremy Renner (@JeremyRenner) January 5, 2023