اسکول طالبہ تشدد کیس میں اسکول انتظامیہ سمیت 7 افراد نامزد

ویب ڈیسک  پير 23 جنوری 2023
(انٹرنیٹ اسکرین شاٹ)

(انٹرنیٹ اسکرین شاٹ)

لاہور: نجی اسکول میں طالبہ پر ساتھی طالبات کے تشدد کے معاملے میں مزید 7 افراد کو نامزد کر دیا گیا۔

ایکسپریس نیوز رپورٹ کے مطابق لاہور  کے نجی اسکول میں بچی پر ساتھی طالبات کی جانب سے تشدد کے معاملے میں مزید 7 افراد کو نامزد کر لیا گیا ہے ذرائع کا کہنا ہے کہ متاثرہ بچی کے والد نے پہلے تین لڑکیوں کو نامزد کروایا تھا تاہم اب پولیس نے مزید 7 افراد کو شامل ِ تفتیش کیا ہے۔

پولیس ذرائع کا کہنا ہے کہ فوٹیج میں تشدد کرنے والی لڑکیاں عبوری ضمانت لینے کے بعد شامل تفتیش ہوئیں جبکہ دیگر افراد نے بھی پولیس کے سامنے پیش ہو کر اپنے بیانات ریکارڈ کروا دیئے ہیں۔

یہ بھی پڑھیں: لاہور؛ اسکول میں نشے سے منع کرنے پر طالبہ پر ساتھی لڑکیوں کا تشدد

نامزد کیے جانے والے مزید افراد میں اسکول کی انتظامیہ سمیت ویڈیو بنانے والے طالبات شامل ہیں۔

واضح رہے کہ طالبہ پر تشدد کیس پر ایک انکوائری ٹیم بھی تشکیل دی گئی تھی جس نے تاحال کیس سے متعلق اپنی رپورٹ جمع نہیں کروائی ہے۔

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔