کترینہ کیف کے انسٹاگرام فالوورز کی تعداد 7 کروڑ ہوگئی

اداکارہ نے اپنی تصویر شیئر کرتے ہوئے کیپشن لکھا کہ ’یہاں آپ کو دیکھ رہے ہیں میرے 70 ملین فالورز‘۔

ویب ڈیسک پير 23 جنوری 2023

فوٹو: فائل

ممبئی: انسٹاگرام پر بالی ووڈ اسٹار کترنیہ کیف کے چاہنے والوں کی تعداد 7 کروڑ ہوگئی۔

دنیا بھر کی مشہور شخصیات سوشل میڈیا کے ذریعے اپنے مداحوں سے جڑی رہتی ہیں مگر کچھ شخصیات ایسی ہوتی ہیں جو سماجی رابطوں کی ویب سائٹس پر زیادہ متحرک ہوتی ہیں، جن میں ایک نام بالی ووڈ کی باربی ڈول کترنیہ کیف کا بھی شامل ہے۔

اداکارہ فوٹو و ویڈیو شیئرنگ ایپلی کیشن انسٹاگرام پر اپنی تصاویر کے ساتھ ساتھ شوہر وکی کوشال کی تصاویر اور ویڈیوز بھی شیئر کرتی رہتی ہیں۔

اب انسٹاگرام پر کترنیہ کیف کے مداحوں کی تعداد 7 کروڑ تک پہنچ گئی ہے۔

اداکارہ نے اپنے فالوورز کی تعداد 70 ملین ہوتے ہی اپنی تصویر شیئر کرتے ہوئے کیپشن لکھا کہ ’یہاں آپ کو دیکھ رہے ہیں میرے 70 ملین فالورز‘۔