- پاکستان اور نیوزی لینڈ کے مابین چوتھا ٹی ٹوئنٹی آج کھیلا جائے گا
- سائفر کیس؛ مقدمہ درج ہوا تو سائفر دیگر لوگوں نے بھی واپس نہیں کیا تھا، اسلام آباد ہائیکورٹ
- ضلع خیبرمیں سیکیورٹی فورسز کی کارروائی میں تین دہشت گرد ہلاک، دو ٹھکانے تباہ
- عمران خان کی سعودی عرب سے متعلق بیان پر شیر افضل مروت کی سرزنش
- چین: ماڈلنگ کی دنیا میں قدم رکھنے والا 88 سالہ شہری
- یوٹیوب اپ ڈیٹ سے صارفین مسائل کا شکار
- بدلتا موسم مزدوروں میں ذہنی صحت کے مسائل کا سبب قرار
- چیف جسٹس قاضی فائزعیسیٰ نے پروٹوکول واپس کردیا، صرف دو گاڑیاں رہ گئیں
- غزہ کی اجتماعی قبروں میں فلسطینیوں کو زندہ دفن کرنے کا انکشاف
- اسمگلنگ کا قلع قمع کرکے خطے کو امن کا گہوارہ بنائیں گے ، شہباز شریف
- پاکستان میں دراندازی کیلیے طالبان نے مکمل مدد فراہم کی، گرفتار افغان دہشتگرد کا انکشاف
- سعودی دارالحکومت ریاض میں پہلا شراب خانہ کھول دیا گیا
- موٹر وے پولیس اہل کار کو ٹکر مارنے والی خاتون جوڈیشل ریمانڈ پر جیل روانہ
- کراچی میں رینجرز ہیڈ کوارٹرز سمیت تمام عمارتوں کے باہر سے رکاوٹیں ہٹانے کا حکم
- اوگرا کی تیل کی قیمتیں ڈی ریگولیٹ کرنے کی تردید
- منہدم نسلہ ٹاور کے پلاٹ کو نیلام کر کے متاثرہ رہائشیوں کو پیسے دینے کا حکم
- مہنگائی کے باعث لوگ اپنے بچوں کو فروخت کرنے پر مجبور ہیں، پشاور ہائیکورٹ
- کیا عماد، عامر اور فخر کو آج موقع ملے گا؟
- سونے کی قیمتوں میں معمولی اضافہ
- عمران خان، بشریٰ بی بی کو ریاستی اداروں کیخلاف بیان بازی سے روک دیا گیا
گزشتہ دہائی میں پاک ترکیہ تجارتی حجم 10 ارب ڈالرتک جاپہنچا
کراچی: صوبائی وزیر برائے صنعت و محکمہ امداد باہمی جام اکرام اللہ دھاریجو نے کہا ہے کہ گزشتہ دہائی میں پاک ترکیہ تجارتی حجم 10 بلین ڈالر تک پہنچ چکا۔
ترکیہ کی وزارت تجارت کے تعاون سے کراچی میں پاک۔ترک ٹریڈ ڈیلیگیشن کے اعزاز میں تقریب کا انعقاد کیا گیا جس میں ترکی اور پاکستان سے تعلق رکھنے والے صنعت کاروں کی بڑی تعداد شریک ہوئی۔
ترکی کی 30 بڑی کمپنیوں سے تعلق رکھنے والی کاروباری شخصیات سندھ کے دورے پر ہیں۔اس دورے کا مقصد دونوں ممالک کے تجارتی تعلقات کو فروغ دینا ہے۔
تقریب سے خطاب میں صوبائی وزیر برائے صنعت و محکمہ امداد باہمی جام اکرام اللہ دھاریجو کا کہنا تھا کہ گزشتہ دہائی میں دونوں ممالک کے درمیان تجارتی حجم دس بلین ڈالر تک پہنچ چکا ہے۔ میں ترکی کے سرمایہ کاروں سے درخواست کرتا ہوں کہ پاکستان بالخصوص سندھ میں سرمایہ کاری کریں۔
صوبائی وزیر نے مزید کہا کہ دونوں ممالک کے درمیان تجارت کے فروغ کے لئے اگست 2022 میں معاہدہ ہوا۔ پاکستان اور ترکی کے درمیان متعدد شعبوں میں بہتر تجارتی تعلقات قائم ہیں۔ حکومت سندھ سیلاب زدگان کی مدد کرنے پر ترکی کی حکومت اور عوام کی ممنون ہے۔ ترکی کے صدر رجب طیب ایردوان مسلم امہ کے لیے ایک رول ماڈل ہیں۔
اس موقع پر کراچی میں تعینات ترک قونصل جنرل جمال سانگو کا کہنا تھا کہ ترکی پاکستان کے ساتھ تجارت، صنعت، سرمایہ کاری اور دیگر شعبوں میں تعاون بڑھانا چاہتا ہے۔ دونوں ممالک کی بزنس کمیونٹی آپس میں روابط کو مضبوط بنائے اور تجارتی و اقتصادی تعلقات کو وسعت دینے کے لیے کوششیں تیز کرے۔
صدر چیمبر آف کامرس اینڈ انڈسٹری طارق یوسف نے کہا کہ ٹیکسٹائل، فرنیچر، کیمیکلز، ایگری مشینری وغیرہ سے متعلق 40 مندوبین اور 30کمپنیوں پر مشتمل ترک تجارتی وفد پاکستانی تاجروں/کمپنیوں سے B2B ملاقاتوں کے لیے کوشاں ہے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔